ចាន់ វឌ្ឍនាកា ស៊ុត១គ្រាប់ជួយ PKNS ឈ្នះ Melaka ៣-២ យប់មិញ (វីដេអូ)
- 2019-04-04 02:04:32
- ចំនួនមតិ 0 | ចំនួនចែករំលែក 0
ចាន់ វឌ្ឍនាកា ស៊ុត១គ្រាប់ជួយ PKNS ឈ្នះ Melaka ៣-២ យប់មិញ (វីដេអូ)
ចន្លោះមិនឃើញ
ចាន់ វឌ្ឍនាកា ស៊ុតបាន១គ្រាប់កាលពីយប់មិញនៅពេលក្រុម PKNS ទទួលបានជ័យជម្នះលើក្រុម Melaka United ដោយលទ្ធផល ៣-២ ក្នុងការប្រកួតពានរង្វាន់ FA របស់ប្រទេសម៉ាឡេស៊ី។
យប់មិញនេះ ការប្រកួតរវាងក្រុម PKNS និង Melaka United លេងបានល្អដូចគ្នា ប៉ុន្តែការវាយបករបស់ PKNS មានប្រសិទ្ធភាពជាងដោយរកបាន៣គ្រាប់មុនពេល Melaka United តាមបាន២គ្រាប់វិញ។
៣គ្រាប់របស់ PKNS ធ្វើបានសម្រេចនៅពេលខ្សែការពាររបស់ Melaka United បង្កកំហុសក្នុងតំបន់ប្រអប់គ្រោះថ្នាក់ដែលផ្តល់ឲ្យកីឡាករ Gurusamy ស៊ុតប៉េណាល់ទីបានសម្រេចនៅនាទីទី៤៣ នាំមុខ ១-០ នៅវគ្គទី១។
វគ្គទី២ ចាន់ វឌ្ឍនាកា ស៊ុតសម្រេចទីបាន១គ្រាប់នៅនាទីទី៦៥ ពេលខ្សែការពារភ្លាត់ធ្វើឲ្យកីឡាករខ្សែប្រយុទ្ធរបស់ PKNS ដណ្តើមបានហើយអូសទៅតំបន់គ្រោះថ្នាក់ បោះឲ្យ Romel ដែលបញ្ជូនឲ្យ ចាន់ វឌ្ឍនាកា នៅខាងស្តាំស៊ុនបានសម្រេច។ ២នាទីក្រោយមក PKNS ស៊ុតបាន១គ្រាប់ទៀត តាមរយៈការវាយបកលឿន ខ្សែប្រយុទ្ធ Sherman ស៊ុតប្រលោះជើងខ្សែការពារបានសម្រេចនាំមុខ ៣-០។
យ៉ាងណា Melaka United ទទួលបានបាល់ពិន័យ១១ម៉ែត្រស៊ុតបានសម្រេចនៅនាទី៨៤ និងតែតបាន១គ្រាប់ទៀតនៅនាទី៩០+៤ ដើម្បីបញ្ចប់ដោយលទ្ធផល ៣-២។
ចាន់ វឌ្ឍនាកា ស្ថិតក្នុងក្រសែភ្នែករបស់គ្រូបង្វឹកដោយរូបគេជាប់ជម្រើស១១នាក់ដំបូងរហូតទាំងការប្រកួតក្នុងលីគ និង FA។ រហូតដល់ពេលនេះ កីឡាករកម្ពុជារូបនេះស៊ុតបាន២គ្រាប់ និងបញ្ជូនបាល់ឲ្យមិត្តរួមក្រុមស៊ុតបានសម្រេច៣ដង៕