រថយន្តបុករបាំងផ្លូវពាក់ស្លាកលេខរដ្ឋយប់មិញ ក្រសួងថាជារបស់ឯកជនបន្លំប្រើស្លាកលេខរដ្ឋ
- 2019-04-06 09:31:14
- ចំនួនមតិ 0 | ចំនួនចែករំលែក 0
រថយន្តបុករបាំងផ្លូវពាក់ស្លាកលេខរដ្ឋយប់មិញ ក្រសួងថាជារបស់ឯកជនបន្លំប្រើស្លាកលេខរដ្ឋ
ចន្លោះមិនឃើញ
ក្រសួងកសិកម្មបញ្ជាក់ថារថយន្តម៉ាកLexusមួយគ្រឿងដែលបង្គគ្រោះថ្នាក់ចរាចរណ៍និងមានពាក់ស្លាកលេខរដ្ឋដែលមានលេខសម្គាល់របស់ក្រសួងកសិកម្មនោះមិនមែនជារថយន្តរបស់ក្រសួងទេ ដោយបានអះអាងថាជារថយន្តឯកជនបន្លំដាក់ស្លាកលេខរដ្ឋ។
កាលពីយប់មិញមានសេចក្ដីរាយការណ៍ថាមានរថយន្តម៉ាកLexus RX-350 ពាក់ស្លាក់លេខរដ្ឋ17-2-0845 បានជួបគ្រោះថ្នាក់ចរាចរណ៍ដោយជិះបុករបាំងចែកទ្រូងផ្លូវ ហើយម្ចាស់បានរត់គេចខ្លួនពីកន្លែងកើតហេតុ។
នៅរសៀលនេះក្រសួងកសិកម្មបានចេញសេចក្តីប្រកាសព័ត៌មានមួយ ដោយបានអះអាងថារថយន្តខាងលើជារបស់ឯកជនដែលបានលួចបន្លំពាក់ស្លាកលេខរបស់ក្រសួងកសិកម្ម។
ក្រសួងបញ្ជាក់ថាស្លាកលេខរបស់ក្រសួងកសិកម្ម ដែលមានលេខដូចគ្នានេះគឺបំពាក់នៅលើរថយន្តរបស់ក្រសួងម៉ាកMitsubishi ពណ៌សផលិតឆ្នាំ២០១៥។
ក្រសួងបន្តថាខ្លួនក៏បានសតង្កេតឃើញមានរថយន្តយ៉ាងហោចណាស់ពីរផ្សេងទៀតបានបំពាក់ស្លាកលេខរបស់ក្រសួងដែរ និងបានស្នើដល់អាជ្ញាធរពាក់ព័ន្ធជួយចាត់វិធានការផ្លូវច្បាប់ចំពោះករណីនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
