២ប្រកួតចុងក្រោយ កំពង់ចាមរបូតគ្រាប់បាល់២២គ្រាប់

2019-04-08 01:49:12
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកចំណូលថ្មីនៃលីគកំពូលកម្ពុជា កំពង់ចាម ត្រូវបានគូប្រកួតស៊ុតចូលរហូតដល់២២គ្រាប់គ្រាន់តែ២ប្រកួតចុងក្រោយ បន្ទាប់ពីបើកឆាកលីគទទួលបាន៣ពិន្ទុពីការឈ្នះម្ចាស់ផ្ទះអគ្គិសនីកម្ពុជា។

កំពង់ចាមប្រកួតនឹងអង្គរថាយហ្គឺរ (រូបថត៖ CNCC)

សប្តាហ៍បើកឆាកលីគកម្ពុជា២០១៩ ក្រុមកំពង់ចាមបានធ្វើឲ្យអ្នកគាំទ្រមានការចាប់អារម្មណ៍តាមរយៈជ័យជម្នះ ១-០ លើក្រុមម្ចាស់ផ្ទះអគ្គិសនីកម្ពុជា។ ការប្រកួតនោះឃើញថា កំពង់ចាមការពារបានល្អ និងវាយបកវិញរហូតទទួលបានជ័យជម្នះ។ តាមលទ្ធផលនេះគេ អ្នកគាំទ្រមានគំនិតថា កំពង់ចាមឡើងមកមិនមែនជាសាច់ជ្រូក៣ជាន់ឲ្យគេយកពិន្ទុងាយៗឡើយ។

ទោះជាយ៉ាងណា ២ប្រកួតចុងក្រោយបែរជាទទួលរងបរាជ័យយ៉ាងធ្ងន់ធ្ងរបំផុត។ ក្នុងសប្តាហ៍ទី២នៅទឹកដីប៊ុនរ៉ានី ហ៊ុនសែន មេមត់ ត្រូវបានអង្គរថាយហ្គឺរលត់១១-០ និងសប្ដាហ៍ទី៣ត្រូវបានក្រសួងការពារជាតិបំបាក់ដោយលទ្ធផល ១១-០ ទៀត។ លទ្ធផលមិនខុសទៅនឹងទស្សនៈរបស់អ្នកគាំទ្រមួយចំនួនលើកឡើងកាលពីដើមរដូវកាលថា ក្រុមថ្មីដែលទន់ខ្សោយអាចក្លាយជាផ្ទំាងស៊ីបរបស់ក្រុមខ្លាំងដើម្បីយកពិន្ទុ។

ឆ្លងកាត់៣សប្ដាហ៍កន្លងទៅ ក្រុមព្រះខ័នរាជស្វាយរៀងធ្វើបានល្អជាងគេដោយស្វែងបាន៩ពិន្ទុពេញពីការប្រកួត៣លើកឈ្នះទាំង៣។ អង្គរថាយហ្គឺរ ក្រសួងការពារជាតិ និងវិសាខាក៏មិនទាន់ចាញ់ដែរ។ ក្រសួងការពារជាតិ និងវិសាខាឈ្នះ២ និងស្មើ១ដូចគ្នា ខណៈអង្គរថាយហ្គឺរឈ្នះ១ និងស្មើ២។

លទ្ធផលសប្តាហ៍ទី៣