Chelsea និង Arsenal ឡើងវគ្គ៤ក្រុមពានអឺរ៉ុបទី២ អាចជួបគ្នាវគ្គផ្តាច់ព្រ័ត្រ

2019-04-19 01:42:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមមកពីលីគអង់គ្លេស Chelsea និង Arsenal បានឡើងទៅវគ្គពាក់កណ្តាលផ្តាច់ព្រ័ត្រពានរង្វាន់អឺរ៉ុបលំដាប់ទី UEFA Europa League បន្ទាប់ពីធ្វើបានល្អដូចគ្នាទាំងពីរជើងក្នុងការប្រកួតវគ្គ៨ក្រុមចុងក្រោយ។

តោខៀវ Chelsea បានបន្តឈ្នះ Slvia Prague ដោយលទ្ធផល ៤-៣ ជើងទី២ ក្នុងផ្ទះរបស់ខ្លួន បន្ទាប់ពីជើងទី១នៅទឹកដី Slvia Prague បានឈ្នះ ១-០ ដែលសរុបទាំងពីរជើងឈ្នះ ៥-៣។

ចំណែកកាំភ្លើងធំ Arsenal បានបន្តឈ្នះក្រុម Napoli នៅក្រៅដីជើងទី២យប់មិញដោយលទ្ធផល ១-០ បន្ទាប់ពីជើងទី១នៅទឹកដីរបស់ខ្លួនបានយកឈ្នះដោយលទ្ធផល ២-០ ដែលសរុបទាំងពីរជើងឈ្នះ ៣-០។

នៅវគ្គពាក់កណ្តាលផ្តាច់ព្រ័ត្រ តោខៀវ Chelsea ត្រូវជួបក្រុម Eintracht Franfurt ជើងទី១ថ្ងៃទី៣ ខែឧសភា នៅទឹកដៅដី Eintracht Franfurt និងជើងទី២នៅទឹកដី Chelsea ថ្ងៃទី១០ ខែឧសភា។ ស្របពេលកាំភ្លើងធំ Arsenal ជួបក្រុមអេស្ប៉ាញ Valencia ជើងទី១ ថ្ងៃទី៣ ខែឧសភា នៅទឹកដីរបស់ខ្លួន មុនពេលហោះទៅប្រកួតជើងទី២ថ្ងៃទី១០ ខែឧសភា នៅទឹកដីប្រទេសអេស្ប៉ាញ។

ប្រសិនបើក្រុមអង់គ្លេសទាំងពីរឆ្លងកាត់វគ្គពាក់កណ្តាលផ្តាច់ព្រ័ត្រជោគជ័យដូចគ្នា នោះមានន័យថា ក្រុមអង់គ្លេសមួយក្នុងចំណោម២នេះនឹងក្លាយជាម្ចាស់ជើងឯក UEFA Europa League រដូវកាលនេះ៕