មោទកភាព ជំទាវ យឹម ឆៃលីន ដ៏ស្រស់ស្អាត លេចមុខនៅមហោស្រពពិភពលោកទីក្រុងកានគួរឲ្យភ្ញាក់ផ្អើល!

2019-05-18 06:43:39
ចំនួនមតិ 0 | ចំនួនចែករំលែក 0

ចន្លោះមិនឃើញ

តាំងពីព្រលប់រហូតមកដល់ព្រឹកនេះ មានការភ្ញាក់ផ្អើលមួយនៅលើបណ្ដាញសង្គម ក៏ព្រោះតែមានព័ត៌មានថា លោកជំទាវ យឹម ឆៃលីន ដ៏ស្រស់ស្អាតភរិយារបស់ឯកឧត្តម ហ៊ុន ម៉ានី បានក្លាយជាស្ត្រីខ្មែរទី១ដែលបានឈានជើងលើកម្រាលព្រំក្រហមក្នុងមហោស្រពភាពយន្តនាទីក្រុងកានប្រទេសបារាំង ហៅថា “Cannes Film Festival 2019” ។

ព័ត៌មាននេះ អ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ ក៏បានបញ្ជាក់ពីករណីនេះដែរ ដោយប្រធានសមាគមរូបនេះ ថាលោកជំទាវ យឹម ឆៃលីន ពិតជាបានចូលរួមកម្មវិធីលំដាប់ពិភពលោកខាងលើពិតប្រាកដមែន។ ចំពោះមូលហេតុ ប្រភពដដែលបញ្ជាក់ថា លោកជំទាវដ៏ស្រស់ស្អាត មានទំនាក់ទំនងល្អជាមួយក្រុមការងារហូលីវូដមួយចំនួនដែលធ្លាប់បានចុះមកជួយរឿងការងារមនុស្សធម៌ ទាក់ទងនឹងរឿងកុមារៗនៅកម្ពុជា។ ដូច្នេះហើយ ទើបលោកជំទាវទទួលបានការអញ្ជើញពីក្រុមការងារបរទេសទាំងនោះ។

លោកជំទាវ យឹម ឆៃលីន បានលេចមុខជាមួយឈុតសំលៀកបំពាក់ប៉ុន្មានឈុត ដែលឆ្លុះឲ្យឃើញពីរូបសម្ផស្សដ៏ស្រស់ស្អាត រហូតដល់អ្នកនៅលើបណ្ដាញសង្គមលាន់មាត់ថា លោកជំទាវ ស្រស់ស្អាតខ្លាំង តារាល្មមៗមិនអាចផ្ទឹមឡើយ៕