សោកស្ដាយជំនួស លោក ព្រហ្ម ម៉ាញ ចោរចូលគាស់ផ្ទះយកអស់៥ម៉ឺនដុល្លារ

2019-05-18 07:51:13
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងអាយ៉ៃ លោក ព្រហ្ម ម៉ាញ នៅម៉ោងប្រហែល៨យប់មិញនេះ ត្រូវបានចោរចូលគាស់ផ្ទះ យកទ្រព្យសម្បត្តិ អស់ចំនួន៥ម៉ឺនដុល្លារអាមេរិក។ នេះបើតាមឲ្យដឹងពីនាយ ព្រែក នៅមុននេះបន្តិច។

តាមនាយ ព្រែក ផ្ទះរបស់តារាចម្រៀង អាយ៉ៃល្បីឈ្មោះរូបនេះស្ថិតនៅក្នុងទឹកដី ទូលគោក ដោយក្នុងនោះ ចោរបានគាស់ទ្វារចូល និងរុះរើ របស់របរ រប៉ាត់រប៉ាយពេញផ្ទះដើម្បីស្វែងរករបស់មានតម្លៃ។ ហើយទីបំផុតចោរយកបានទ្រព្យសម្បត្តិមួយចំនួន សរុបអស់ទឹកប្រមាណ ៥ម៉ឺនដុល្លារដុល្លារអាមេរិកឯណោះ។

នាយ ព្រែក បានពោលពាក្យសោកស្ដាយជំនួសតារាចម្រៀងអាយ៉ៃ ដោយលោកឡើងថា ទម្រាំបានសន្សំបានទ្រព្យប៉ុណ្ណេះ គឺមិនមែនជាការងាយឡើយ។

មិនទាន់ដឹងថា លោក ព្រម្ម ម៉ាញ រវល់ទៅណា ទើបត្រូវចោរឆ្លៀតឱកាសចូលគាស់ផ្ទះយកប្រាក់អស់ច្រើនយ៉ាងនេះឡើយ។ បន្ថែមពីលើនេះ ក៏មិនទាន់ដឹងថា ទ្រព្យសម្បត្តិអ្វីខ្លះដែលត្រូវបាត់បង់នោះដែរ ដោយគ្រាន់តែដឹងថា សរុបទាំងអស់ ៥ម៉ឺនដុល្លារអាមេរិក។ នៅរសៀលនេះ ជុំវិញករណីខាងលើ សាមីខ្លួនលោក ព្រហ្ម ម៉ាញ មិនទាន់អាចសុំការអធិប្បាយបាននៅឡើយនោះទេ ដោយទូរសព្ទរបស់លោក មិនអាចទាក់ទងបាន។