ឡានអត់ដំបូលរបស់ ពូទីន បង្ហាញមុខ ប្រណីតមិនចាញ់ Rolls-Royce
- 2019-05-21 03:12:10
- ចំនួនមតិ 0 | ចំនួនចែករំលែក 0
ឡានអត់ដំបូលរបស់ ពូទីន បង្ហាញមុខ ប្រណីតមិនចាញ់ Rolls-Royce
ចន្លោះមិនឃើញ
កាលពីថ្មីៗកន្លងទៅនេះ រថយន្តបើកដំបូលរបស់រុស្សីផលិតសម្រាប់ថ្នាក់ដឹកនាំជាន់ខ្ពស់នៃប្រទេស បានបង្ហាញជាផ្លូវការ ក្នុងក្បួនព្យុហយាត្រា។ រថយន្តម៉ាកនេះបានបង្ហាញមុខជាមួយប្រធានាធិបតី ពូទីន កាលពីឆ្នាំមុន ប៉ុន្តែពេលនេះវាបានប្រែមុខមាត់ជាប្រភេទបើកដំបូលវិញ។
វាមានឈ្មោះថា Aurus Senat Cabriolet មានទម្ងន់ ៦ តោន ដែលមានបំពាក់ដោយម៉ាស៊ីន V8 ចំណុះ ៤,៤ លីត្រ ផលិតកម្លាំងបាន ៥៩៨ សេះ និងប្រើប្រអប់លេខស្វ័យប្រវត្តិ ៩ វគ្គ។ រថយន្តប្រភេទបើកដំបូលនេះផលិតឡើង ដើម្បីជំនួសរថយន្តត្រកូល ZIL-41041 ផលិតដោយក្រុមហ៊ុន OJSC AMO Zil។
Aurus Senat Cabriolet មានប្រើប្រាស់គ្រោងឆ្អឹងដូចជាប្រភេទ Sedan ដែលបង្ហាញកាលឆ្នាំទៅដែរ ប៉ុន្តែមានប្រវែងពីកង់មុខទៅកង់ក្រោយខ្លីជាងប្រភេទ Sedan។ លោក Alexander Lebedev ប្រធានផ្នែកផលិតនៃគម្រោងការរថយន្តនេះ និយាយថា Senat Cabriolet បានបង្កើនសមត្ថភាពលើការគ្រប់គ្រងលំនឹង ដោយសារតែមេដឹកនាំនឹងត្រូវឈរនៅពេលដង្ហែក្បួន។
ផ្អែកតាមប្រភពមួយចំនួនបានឲ្យដឹងថារថយន្ត Senat Cabriolet នេះ នឹងចេញលក់ជាផ្លូវការនៅក្នុងប្រទេសរុស្សី នៅត្រឹមចុងឆ្នាំ ២០១៩ នេះ៕
ចុចអាន៖