អ្នកទោស ISIS ២៤នាក់ ត្រូវកងសន្ដិសុខបាញ់សម្លាប់ក្រោយបង្កកុបកម្មនៅក្នុងគុក
- 2019-05-21 06:35:00
- ចំនួនមតិ 0 | ចំនួនចែករំលែក 0
អ្នកទោស ISIS ២៤នាក់ ត្រូវកងសន្ដិសុខបាញ់សម្លាប់ក្រោយបង្កកុបកម្មនៅក្នុងគុក
ចន្លោះមិនឃើញ
យ៉ាងហោចណាស់មានមនុស្ស ៣២នាក់ បានស្លាប់ក្រោយពេលដែលអ្នកទោស ISIS បង្កជាកុបកម្មនៅក្នុងគុកប្រទេស Tajikistan។
យោងតាមក្រសួងយុត្តិធម៌នៃប្រទេស Tajikistan ឲ្យដឹងកាលពីថ្ងៃចន្ទថា ក្នុងចំណោមអ្នកស្លាប់ទាំងអស់ក្នុងនោះមានឆ្មាំគុក ៣នាក់, សមាជិកក្រុម ISIS ២៤នាក់ និងអ្នកទោស ៥នាក់ផ្សេងទៀត។ ហេតុការណ៍នេះ បានកើតឡើងនៅក្នុងគុកនៃទីក្រុង Vakhdat កាលពីថ្ងៃអាទិត្យបង្កឡើងដំបូងដោយសមាជិកក្រុម ISIS ដែលបញ្ចេះឲ្យអ្នកទោសផ្សេងទៀតចូលរួមកុបកម្មជាមួយខ្លួនបណ្ដាលឲ្យមានភាពចលាចលពេញក្នុងគុក។ ក្រុមសកម្មប្រយុទ្ធ ISIS បានកាំបិតដើម្បីធ្វើការចាក់សម្លាប់ឆ្មាំគុក ៣នាក់ និងអ្នកទោសដូចគ្នា ៥នាក់ផ្សេងទៀត។ ប្រភពដដែលបន្ដថា កងកម្លាំងសន្ដិសុខត្រូវបានបញ្ចូនទៅកាន់កន្លែងកើតហេតុ និងបាញ់សម្លាប់ក្រុមសកម្មប្រយុទ្ធ ISIS ២៤នាក់ដើម្បីគ្រប់គ្រងស្ថានការណ៍នៅក្នុងគុក។
គួរឲ្យដឹងថា កាលពីខែវិច្ឆិកាឆ្នាំមុន ក៏មានហេតុការណ៍ស្រដៀងគ្នានេះកើតឡើងម្ដងដែរបង្កដោយក្រុម ISIS នៅក្នុងគុកនៃទីក្រុង Khajand ដែលបណ្ដាលឲ្យអ្នកទោស ២៥នាក់និង កងសន្ដិសុខ ២នាក់ស្លាប់ផងដែរ៕