CEO ក្មេងបំផុតចក្រភពអង់គ្លេស កើតឆ្នាំ២០០៥ ស្អាតឥតទាស់

2019-05-24 08:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនត្រឹមតែមានរូបសម្បត្តិទាក់ទាញនោះទេ លោក Jenh Oz នាយកប្រតិបត្តិក្មេងបំផុតប្រទេសអង់គ្លេសក៏ត្រូវបានគេសរសើរពីសមត្ថភាពដ៏លេចធ្លោរបស់ខ្លួនផងដែរ។

តើអ្នកនៅចាំទេថា កាលពីអាយុ១២ឆ្នាំ អ្នកធ្វើបានអ្វីខ្លះ? នៅអាយុនោះ ប្រហែលជាពួកយើងមិនទាន់សម្រេចបានសមិទ្ធផលអ្វីធំដុំឡើយ។ តែចំពោះ Jenh Oz ដែលជានាយកប្រតិបត្តិក្មេងជាងគេប្រទេសអង់គ្លេសគឺធ្វើបានច្រើនជាងអ្វីដែលគេរំពឹងទុកចំពោះក្មេងអាយុ១២ឆ្នាំ។

ក្នុងឆ្នាំ២០១៧ នៅពេលដែលមានវ័យ១២ឆ្នាំ Jenh Oz បានក្លាយជាប្រធានក្រុមហ៊ុនមួយដែលមានជំនាញខាងផលិតកម្មវិធីកម្សាន្តសម្រាប់យុវវ័យរួចទៅហើយ ដែលមានឈ្មោះថា iCoolKid។ ហើយនៅពេលនេះ នៅពេលដែលលោកមានអាយុ១៤ឆ្នាំ គឺលោកបានក្លាយជា CEO ពេញសិទ្ធិតែម្ដង។

តាមនោះដែរ លោកនាយកវ័យក្មេងនេះ កើតឆ្នាំ២០០៥ នៅទីក្រុងឡុង ប្រទេសអង់គ្លេស។ ចាប់តាំងពីអាយុ៨ឆ្នាំ គឺលោកបានមានគំនិតជ្រៅជ្រះជាងក្មេងរួមជំនាន់រួចទៅហើយ។ មិនត្រឹមតែប៉ុណ្ណោះ កម្មវិធីដែលលោករួមនឹងមិត្តភ័ក្ដិបង្កើតឡើងនោះ កំពុងរកចំណូលបានជាមធ្យម៥ម៉ឺនដុល្លារក្នុង១ខែ។

យ៉ាងណាក៏ដោយ ក្រៅពីសមត្ថភាពខ្ពស់ទាំងអាយុវ័យក្មេងនេះ Jenh Oz ក៏ទាក់ទាញអ្នកដទៃជាមួយរូបសម្បត្តិដ៏សង្ហាររបស់ខ្លួនដូចគ្នា។ មតិជាច្រើនបានលើកឡើងថា ប្រសិនបើលោកមិនធ្វើជំនួញទេ អាជីពតារាម៉ូដែលក៏ស័ក្ដិសមនឹងលោកដែរ៕