ធ្វើបានល្អណាស់! ក្រុមបាល់ទះវិសាខាខ្មែរ ឈ្នះ U-23 របស់ថៃ ម្សិលមិញ
- 2019-05-25 07:36:37
- ចំនួនមតិ 0 | ចំនួនចែករំលែក 0
ធ្វើបានល្អណាស់! ក្រុមបាល់ទះវិសាខាខ្មែរ ឈ្នះ U-23 របស់ថៃ ម្សិលមិញ
ចន្លោះមិនឃើញ
ក្រុមបាល់ទះរបស់កម្ពុជា វិសាខា បានយកឈ្នះក្រុមជម្រើសជាតិ U-23 ម្ចាស់ផ្ទះថៃ ដោយលទ្ធផល 3-2 នាជំនួបមិត្តភាពអន្តរជាតិផ្លាស់ប្ដូរបទពិសោធល្ងាចម្សិលមិញនេះ។
គ្រូបង្វឹករបស់វិសាខា បានឲ្យដឹងថា កូនក្រុមរបស់លោកធ្វើបានល្អម្សិលមិញនេះ ដោយយកឈ្នះក្រុមម្ចាស់ថៃ ៣-២(១៩-២៥ ២៥-២០ ២៥-២០ ២១-២៥ ១៥-១១)។ គ្រូប្រចាំក្លឹបខាងលើនេះបន្ថែមទៀតថា នៅសិតទី១ចាញ់ខាងថៃនេះ ដោយសារកីឡាករភាគច្រើនជាយុវជនក្មេងៗ មិនសូវមានបទពិសោធលើកឆាកអន្តរជាតិ ឬការប្រកួតធំៗបែបនេះ ដូច្នេះហើយភ័យច្រើន ហើយគ្រប់គ្រងអារម្មណ៍មិនបានល្អ។ បន្ទាប់ពីបានការណែនាំ ឲ្យខំប្រឹងប្រែង និងប្រមូលអារម្មណ៍លេងឡើងវិញ ពួកគេក៏ធ្វើបានល្អរហូតឈ្នះសិតទី២-៣ ចូលដល់សិតទី៤ លោករួមទាំងគ្រូចិនដកកម្លាំងសំខាន់ចំនួនឲ្យសម្រាក ដើម្បីទុកកម្លាំងវ៉ៃយកឈ្នះនៅសិតទី៥តែម្ដង។
អតីតអ្នកជំនាញខាងលើកបាល់ខាងលើនេះឲ្យដឹងបន្ថែមទៀតថា សម្រាប់ជ័យជម្នះក៏ដូចជាការប្រកួតផ្លាស់ប្ដូរបទពិសោធដ៏ល្អនេះ លោកភ្លេចអរគុណដល់ប្រធានក្លឹបឯកឧត្ដម ស សុខា និងលោកជំទាវ ដែលតែងតែជួយឧបត្ថម្ភ និងយកចិត្តទុកដាក់សួរសុខទុក្ខ ជំរុញលើកទឹកចិត្តកីឡាករឲ្យខំប្រឹងប្រែង។ ក្រៅពីនេះទៀតនោះ ក៏អរគុណដល់សមាគមចិន នៅខេត្តពូចៀន ដែលបានជួយផ្ដល់ជាថវិកាសម្រាប់ចំណាយលើការចេញមកប្រកួតមិត្តភាពអន្តរជាតិនៅថៃលើកនេះផងដែរ។
រំលឹកដែរថា ក្រុមបាល់ទះវិសាខា របស់កម្ពុជាប្រកួតមិត្តភាពអន្តរជាតិផ្លាស់ប្ដូរបទពិសោធនៅប្រទេសថៃប៉ុន្មានថ្ងៃនេះ គឺចប់៣ប្រកួតមកហើយ លើកទី១ឈ្នះវិសាខាថៃ ៣-០ លើកទី២ ចាញ់ជម្រើសរើសជាតិឈុតធំថៃ ៣-២ និងលើកទី៣ម្សិលមិញនេះឈ្នះ U-23ថៃ ៣-២ ផងដែរ៕
វីដេអូប្រកួត៖
Real តបដោយកំហឹងនឹង Pochettino ថាពួកគេមិនឲ្យ Spurs ស្នាក់នៅកន្លែងហ្វឹកហាត់ត្រៀម UCL
Man Utd មើលឃើញខ្សែប្រយុទ្ធឡើងជើងរបស់ Lyon ម្នាក់ ហ៊ានឲ្យ៣៥លានផោន
ចាន់ រតនា ទទូចឲ្យ ONE រៀបចំឲ្យរូបគេសងសឹកចិន Ma Hao Bin (មានវីដេអូ)