ប្រធានក្លឹប Derby៖ Chelsea អត់ទាន់ទាក់ទងរឿង Lampard ទេ
- 2019-06-17 12:52:45
- ចំនួនមតិ 0 | ចំនួនចែករំលែក 0
ប្រធានក្លឹប Derby៖ Chelsea អត់ទាន់ទាក់ទងរឿង Lampard ទេ
ចន្លោះមិនឃើញ
លោក Mel Morris ប្រធានក្លឹប Derby County បាននិយាយកាលពីពេលថ្មីៗនេះថា ក្លឹប Chelsea មិនទាន់ទាក់ទងរឿងយកអតីតកីឡាករជម្រើសជាតិអង់គ្លេសលោក Frank Lampard មកធ្វើជាគ្រូបង្វឹកទេ។
លោកបានលើកឡើងថា៖ " យើងបាននិយាយគ្នាច្បាស់ជាមួយ Frank ហើយ ថាយើងចង់បានគេក្នុងរយៈពេលវែង។ បើ Chelsea ចង់បានគេ នោះទាល់តែធ្វើសំណើមកត្រឹមត្រូវ " ។
លោកបានបន្តថា៖ " ប៉ុន្តែក្នុងពេលនេះ យើងនឹងបន្តខិតខំប្រឹងប្រែងដើម្បីបន្ត ផែនការរបស់យើងក្នុងរដូវកាលខាងមុខ និងធ្វើការជាមួយ Frank ដើម្បីឲ្យគាត់ដឹងថា គ្រប់គ្នានៅក្លឹបនេះត្រូវការគាត់ខ្លាំងណាស់ " ។
កាលពីពេលកន្លងទៅ មានពាក្យចចាមអារ៉ាមជាច្រើនបានលើកឡើងថា Lampard ជាបេក្ខភាពឈានមុខក្នុងការជំនួសតំណែងជាអ្នកចាត់ការក្លឹប Chelsea របស់ Sarri ដែលបានចាកចេញទៅកាន់ Juventus៕