ហេតុតែចង់បាន Eriksen ពេក Real ហ៊ានឲ្យ Spurs ៤៥លានផោនបូកខ្សែបម្រើម្នាក់ទៀត
- 2019-06-19 02:04:23
- ចំនួនមតិ 0 | ចំនួនចែករំលែក 0
ហេតុតែចង់បាន Eriksen ពេក Real ហ៊ានឲ្យ Spurs ៤៥លានផោនបូកខ្សែបម្រើម្នាក់ទៀត
ចន្លោះមិនឃើញ
Real Madrid បានដាក់សំណើទៅកាន់ Spurs នូវទឹកប្រាក់៤៥លានផោន បូកជាមួយខ្សែបម្រើ Dani Ceballos ម្នាក់ទៀត ដើម្បីផ្ទេរយក Christian Eriksen។
អ្នកចាត់ការរបស់ Real លោក Zinedine Zidane បានដាក់ខ្សែបម្រើរបស់ Spurs ក្នុងបញ្ជីដើរទិញរបស់លោក ត្បិតកាលពីពេលថ្មីៗទើបតែទិញបាន Eden Hazard តារារបស់ Chelsea។ Ceballos ពេលនេះកំពុងជាប់ភារកិច្ចជាមួយក្រុមជម្រើសជាតិអេស្ប៉ាញលេង Euro Under-21 Championship។
Ceballo វ័យ២២ឆ្នាំធ្លាប់បានប្រាប់ Zidane ថា គេចង់ចាកចេញពី Madrid បន្ទាប់មិនសូវជាប់ជម្រើសកាលពីរដូវកាលមុន។ និយាយចំពោះ Spurs វិញក៏ធ្លាប់ទាក់ទងកីឡាករសញ្ជាតិអេស្ប៉ាញរូបនេះជាច្រើនខែមកហើយដែរ។ ដោយមើលឃើញនេះជាឱកាសល្អ Real Madrid ចង់យក Ceballo ជាថ្នូរបូកជាមួយការថែមទឹកប្រាក់ដើម្បី ទាយយក Eriksen ពីកីឡដ្ឋាន Tottenham Hotspur Stadium។
Eriksen វ័យ២៧ឆ្នាំបានបង្ហើបកាលពី២សប្ដាហ៍មុនថា គេចង់ចេញពី Spurs ដើម្បីព្យាយាមអ្វីថ្មី។ គេនៅសល់កុងត្រារយៈពេលមួយឆ្នាំទៀតជាមួយមាន់ខ្នាយមាស ខណៈប្រធានក្លឹបចង់បានតម្លៃខ្លួន១០០លានផោនសម្រាប់កីឡាកររបស់ខ្លួន៕