ស្លាប់យ៉ាងហោច ១២នាក់ និងរបួសរាប់រយនាក់ ក្រោយគ្រោះរញ្ជួយដីវាយប្រហារនៅចិន (មានវីដេអូ)
- 2019-06-19 02:28:05
- ចំនួនមតិ 0 | ចំនួនចែករំលែក 0
ស្លាប់យ៉ាងហោច ១២នាក់ និងរបួសរាប់រយនាក់ ក្រោយគ្រោះរញ្ជួយដីវាយប្រហារនៅចិន (មានវីដេអូ)
ចន្លោះមិនឃើញ
យ៉ាងហោចណាស់មនុស្ស ១២នាក់ ត្រូវបានស្លាប់ និងជាង ១០០នាក់ផ្សេងទៀតរងរបួសក្រោយពេលដែលគ្រោះរញ្ជួយដីកម្រិតខ្លាំងវាយប្រហារភាគនិរតីប្រទេសចិនក្នុងខេត្ត Sichuan។
យោងតាមសារព័ត៌មានរដ្ឋចិនឲ្យដឹងថា គ្រោះរញ្ជួយដីកម្រិត ៦,០វ៉ិចទ័រ បានវាយប្រហារនៅតំបន់ Yibin កាលពីយប់ថ្ងៃចន្ទកន្លងទៅ និងបណ្ដាលឲ្យមនុស្សជាង ៤ពាន់នាក់ ត្រូវជម្លៀសខ្លួនដោយសារផ្ទះសម្បែងរបស់ពួកគេត្រូវបំផ្លិចបំផ្លាញ។ ទូរទស្សន៍រដ្ឋចិន បានបង្ហាញពីទិដ្ឋភាពក្រោយគ្រោះរញ្ជួយដីដែលអ្នកជួយសង្គ្រោះព្យាយាមទាញអ្នកជាប់ក្រោមគំនរអគារ ក៏ដូចជាផ្លូវជាច្រើនត្រូវរាំងស្ទះដោយការបាក់ដីផងដែរ។ ចំណែកឯនៅ Chengdu ប្រព័ន្ធប្រកាសអាសន្ន បានបន្លឺឡើងពេញទីក្រុងរយៈពេលមួយនាទី មុនពេលដែលគ្រោះរញ្ជួយដីវាយប្រហារ។
ក្រោយកើតហេតុ ក្រុមអ្នកពន្លត់អគ្គិភ័យជាង ៥០០នាក់ ត្រូវបានបញ្ជូនទៅកាន់តំបន់រងគ្រោះដើម្បីជួយជម្លៀសប្រជាជនដែលរងគ្រោះ និងផ្ដល់ជម្រកបណ្ដោះអាសន្ន៕
សូមទស្សនាវីដេអូខាងក្រោម ៖