អស្ចារ្យមែន! Mazda ផលិតរថយន្តបំពាក់បច្ចេកវិទ្យាទំនើប សិក្សាពីចលនាមនុស្សដើរ

2019-06-20 04:54:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតរថយន្តជប៉ុន Toyota បានបញ្ចេញវីដេអូខ្លីមួយដែលរៀបរាប់ពីដំណើរការនៃការផលិតចេញរថយន្ត Mazda 3 ជំនាន់ ៤ ដោយបំពាក់បច្ចេកវិទ្យា Sky-active ដ៏ទំនើបចុងក្រោយបង្អស់។

យោងតាមមជ្ឈមណ្ឌល Mazda Human-Centric Development ដែលសិក្សាលើចលនាមនុស្សដើរ ត្រង់ ឬបត់បែនតាមគន្លងផ្លូវ និងការបត់កោងនៃឆ្អឹងកងខ្នង មកបម្លែងជាចលនា S-Curve ឲ្យស៊ីមេទ្រីគ្នាលើដងផ្លូវនិងឥរិយាបថនៃការអង្គុយលើកៅអីតៃកុង។

ជាងនេះទៀត គំនិតច្នៃប្រឌិតថ្មីបំផុតនោះដែរ បានយកទៅប្រើប្រាស់លើបច្ចេកវិទ្យា SKYACTIV-VEHICLE ARCHITECTURE ដែលឲ្យឈ្មោះថា SkyActive-Body ជាជំនាន់ដំបូងបំផុត សម្រាប់ផ្ដល់ផាសុកភាពដល់អ្នកបើកបរ ឲ្យមានអារម្មណ៍ថាខ្លួនមានលំនឹងនៅលើកៅអីអង្គុយ ហាក់ដូចជាការដើរហាត់ប្រាណដូច្នេះដែរ។

Mazda 3 ជំនាន់ថ្មីនឹងប្រកាសចេញនៅប្រទេសម៉ាឡេស៊ីក្នុងពាក់កណ្ដាលខែកក្កដា ខាងមុខនេះ។ សម្រាប់ជម្រើស Mazda’s SkyActiv-G មានតែ ២ ទេនៅម៉ាឡេស៊ី គឺម៉ាស៊ីនទំហំ ១.៥ លីត្រផ្តល់កម្លាំងបាន ១១៤ សេះនិងជម្រើស ២.០ លីត្រផ្តល់កម្លាំង ១៦២ សេះ។ ឯតម្លៃវិញខ្ទង់ប្រមាណជា ៣២ ០០០ ដុល្លារ៕

ចង់ដឹងច្បាស់ទស្សនាវីដេអូខាងក្រោម៖