ភ្ញាក់ផ្អើល! ស្ដេចម៉ាឡេស៊ី សុខចិត្តឈប់ក្បួនទីនាំងដើម្បីធ្វើរឿងគួរឲ្យសរសើរ១
- 2019-06-26 09:17:00
- ចំនួនមតិ 0 | ចំនួនចែករំលែក 0
ភ្ញាក់ផ្អើល! ស្ដេចម៉ាឡេស៊ី សុខចិត្តឈប់ក្បួនទីនាំងដើម្បីធ្វើរឿងគួរឲ្យសរសើរ១
ចន្លោះមិនឃើញ
ជនរងគ្រោះដោយសារគ្រោះថ្នាក់ចរាចរម្នាក់ ត្រូវបានទទួលការអន្តរាគមន៍ដ៏គួរឲ្យភ្ញាក់ផ្អើលពីសំណាក់ស្ដេចម៉ាឡេស៊ីនៅថ្ងៃពុធទី២៦ ខែមិថុនានេះ។
ក្បួនទីនាំងរបស់ព្រះមហាក្សត្រម៉ាឡេស៊ី Sultan Abdullah Ahmad Shah បានយាងកាត់កន្លែងកើតហេតុហើយក៏ឃើញស្ត្រីជាជនរងគ្រោះ។ យោងតាមស្នងការប៉ូលិសក្នុងសង្កាត់ Putrajaya លោក Rosly Hasan ឲ្យដឹងថាហេតុការណ៍គ្រោះថ្នាក់ចរាចរនេះ បានកើតឡើងនៅផ្លូវ Persiaran Barat Lebuh Bentosa ដោយអ្នកបើកបរបាត់បង់ម្ចាស់ការលើយានយន្ដ កាលពីវេលាម៉ោង ៧:២០នាទីព្រឹក បណ្ដាលឲ្យរេចង្កូតទៅបុកបង្កាន់ដៃតាមផ្លូវតែម្ដង។ ចំណែកឯជនរងគ្រោះឲ្យដឹងដែរថា ខ្លួនបានបាត់បង់ម្ចាស់ការលើយានយន្ដដោយសារមានអាការវិលមុខភ្លាមៗ។
ស្ដេចម៉ាឡេស៊ី បានយាងចុះមកជួយជនរងគ្រោះហើយសម្ដែងការព្រួយបារម្ភយ៉ាងខ្លាំងចំពោះអាការរបស់ស្ត្រីជាអ្នកបើកបរ។ យោងតាមគណនី Instagramឲ្យដឹងថាព្រះអង្គ កំពុងស្ថិតក្នុងដំណើរយាងទៅជួបប្រជុំជាមួយនាយករដ្ឋមន្ត្រី Mahthir Mohamad ។ ក្រោយកើតហេតុ រូបភាពរបស់ព្រះអង្គត្រូវបានចែកចាយពេញបណ្ដាញសង្គម ហើយទទួលបានការគោរពស្រឡាញ់ជាច្រើនពីអ្នកប្រើប្រាស់សម្រាប់កាយវិការរបស់ព្រះអង្គ៕