មាន RAM 3 GB ថ្មដល់ ៤២៣០ mAh តម្លៃត្រឹម ១១៦ ដុល្លារ

2019-07-16 04:18:06
ចំនួនមតិ 0 | ចំនួនចែករំលែក 0

ចន្លោះមិនឃើញ

Realme ដែលជាម៉ាកសាខារបស់ OPPO បានប្រកាសចេញស្មាតហ្វូនស៊េរីថ្មីម៉ូដែល Realme 3i មានលក្ខណៈសម្បត្តិខ្ពស់ដោយមានតម្លៃត្រឹមចាប់ពី ១១៦ ដុល្លារប៉ុណ្ណោះ ចាប់ផ្ដើមលក់នៅឥណ្ឌានាថ្ងៃទី ២៣ កក្កដា។

ស្មាតហ្វូននេះបំពាក់អេក្រង់ទំហំ ៦,២ អ៊ីញ ប្រភេទ HD+ មានរចនាបថក្បាលឆកតំណក់ទឹក ដែលផ្ទុកកាមេរ៉ា Selfie ទំហំ ១៣ MP។ ខាងក្រោយមានបំពាក់កាមេរ៉ាមេកម្រិត ១៣ MP មាន Aperture f/1.8 អមនឹងកាមេរ៉ាវាស់ជម្រៅកម្រិត ២ MP។

ផ្នែកខាងក្រោយមានបំពាក់ទ្រនាប់ស្កេនខ្ចៅដៃ និងមានរចនាបថដូចគ្រាប់ពេជ្រ ដែលអាចទាក់ទាញចិត្តយុវវ័យ។ វាដំណើរការដោយបន្ទះឈីប Helio P60 មាន CPU ចំនួន ៨ គ្រាប់ អមដោយ RAM ទំហំ ៣ GB ឬ ៤ GB ជាមួយអង្គផ្ទុក ៣២ GB ឬ ៦៤ GB។ រន្ធដោតមេមូរីកាតក៏មានដែរ សម្រាប់បន្ថែមទំហំអង្គផ្ទុក។

ថ្មមានទំហំ ៤២៣០ mAh ប៉ុន្តែសាកថ្មបានកម្លាំង ១០ វ៉ាត់ ប៉ុណ្ណោះ តាមរន្ធប្រភេទ microUSB ដែលហួសសម័យបន្តិច។ Realme 3i ប្រើប្រាស់ប្រព័ន្ធប្រតិបត្តិការ Android 9 Pie ដោយប្រើ UI ColorOS 6។

ស្មាតហ្វូននេះមានតម្លៃ ១១៦ ដុល្លារ និង ១៤៥ ដុល្លារ ខុសគ្នាតាមទំហំ RAM និងអង្គផ្ទុក ជាតម្លៃលក់នៅឥណ្ឌា។ តម្លៃលក់ និងការចេញលក់លើទីផ្សារដទៃមិនទាន់បង្ហាញនៅឡើយទេ៕

ចុចអាន៖

ប្រភព៖ GSMarena ប្រែសម្រួល៖ សុខហេង