អស្ចារ្យមែនទែន! Mario និងតារាខ្មែរជាច្រើនរូបធ្វើឲ្យកក្រើកពេញឆាកតន្ត្រីយប់មិញ

2019-07-20 04:04:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញ កម្មវិធីគម្រប់ខួប ៤ឆ្នាំ របស់ទូរទស្សន៍ភីអិនអិន បានរៀបចំឡើងយ៉ាងកក្រើកផ្ដល់ជូននូវភាពរីករាយឥតដែនកំណត់ដល់ទស្សនិកជន ក៏ដូចជាអ្នកគាំទ្របានចូលរួម ។ ការទទួលបានបទពិសោធន៍ថ្មីៗ ក្នុងវិស័យសិល្បៈ និងកម្សាន្ត ដែលសម្ដែងរួមគ្នាជាមួយសិល្បៈកម្ពុជា និងសិល្បៈមកពីប្រទេសថៃ។

ក្នុងកម្មវិធីមានការចូលរួមពីតារាល្បីៗដូចជា៖ កញ្ញា ស៊ីន យូប៊ីន លោក ខាត់ វៃហាំង លោក អេតវីន លោក ឌីឌី និងតារាចម្រៀង Original Song គឺលោក ជី ដេវីត ក្រុមចម្រៀង SmallWorld Smallband ព្រមទាំងមានវត្តមានរបស់តារាសម្ដែងថៃ Mario Maurer។

Mario Maurer បានលេងស្ទីលអាវធំជាមួយនិងស្បែកជើង ប៉ាត់តាពណ៌សដែល ធ្វើអោយ Fan Fan កាន់តែក្ដុកក្ដួលក្នុងអារម្មណ៍ពេលបានជួបលោកផ្ទាល់។ អ្វីដែលរំភើបទៅទៀតនោះគឺ លោកបានមក ច្រៀងចម្រៀងយ៉ាងពិរោះ និងលេងល្បែងកម្សាន្តព្រមទាំង ផ្ដល់ឱកាសដល់អ្នកគាំទ្រថតរូបផ្ទាល់ជាមួយលោកផងដែរ។

វត្តមានដ៏ច្រើនកុះករ របស់អ្នកចូលរួមគ្រប់ស្រទាប់វណ្ណៈបានធ្វើឲ្យ មានភាពសប្បាយរីករាយ ហោរលាន់ទ្រហឹងពេញសាល The Primer សែនសុខ ព្រោះបានជួបតារា ដែលខ្លួនស្រលាញ់ដោយផ្ទាល់នៅក្នុងកម្មវិធី ជំនួបតារាភីអិនអិន ( Thai star meet and greet 2019 ) ។

អ្នកចូលរួមមិនត្រឹមតែទទួលបានភាពសប្បាយរីករាយប៉ុណ្ណោះទេ តែគ្រប់គ្នានិងទទួលបានរង្វាន់ជាទីគាប់ចិត្តក្នុងពេលតែមួយ គឺការពេញថ្លើម ជក់ចិត្តដិតអារម្មណ៍ នឹងសមត្ថភាពសម្ដែងប្រកបដោយទេពកោសល្យរបស់តារាគ្រប់ដួងដែល បង្ហាញខ្លួនរៀងគ្នាតាមលំដាប់មកអង្រួនឆាកតន្ត្រីឲ្យកាន់តែអស្ចារ្យ។

អំឡុងពេល៤ឆ្នាំ ចាំតាំងពីដំណើរការផ្សាយសាកល្បងនាឆ្នាំ ២០១៥ រហូតមកដល់បច្ចុប្បន្នទូរទស្សន៍PNNបានទទួលការគាំទ្រ និងទំនុកទុកចិត្ត ពីសំណាក់ទស្សនិកជនទើបធ្វើឲ្យស្ថាប័នទូរទស្សន៍នេះឈានមុខគេទាំងផ្នែក ព័ត៌មាន សិល្បៈកម្សាន្ត កីឡា ភាពយន្តបរទេស និងភាពយន្ត ក្នុងស្រុក។ មួយវិញទៀតស្ថានីយក៏កំពុងតែបន្តផលិតនូវរឿងភាគខ្មែរ ដែលប្រកបដោយគុណភាពជូនដល់ទស្សនិកជនផងដែរ។