លេចមុខក្រុមអាវស ចេញមកកម្ទេចបាតុករហុងកុង បណ្ដាលឲ្យរបួសជិត ៤០នាក់ (មានវីដេអូ)
- 2019-07-22 02:42:03
- ចំនួនមតិ 0 | ចំនួនចែករំលែក 0
លេចមុខក្រុមអាវស ចេញមកកម្ទេចបាតុករហុងកុង បណ្ដាលឲ្យរបួសជិត ៤០នាក់ (មានវីដេអូ)
ចន្លោះមិនឃើញ
យ៉ាងហោចណាស់មនុស្ស ៣៦រងរបួស ក្រោយផ្ទុះជម្លោះហិង្សានៅផ្លូវរថភ្លើងនៃទីក្រុងហុងកុងកាលពីយប់ថ្ងៃអាទិត្យនេះ។
យោងតាមសារព័ត៌មានក្នុងតំបន់ឲ្យដឹងថា ហេតុការណ៍នេះបានកើតឡើងនៅស្ថានីយរថភ្លើង Yeun Long MTR ក្រោយពេលដែលលេចមុខក្រុមមនុស្សពាក់អាវពណ៌សនៅវេលាកណ្ដាលអាធ្រាត្រ ចេញមកបង្ក្រាបក្រុមបាតុករនៅមុខច្រកចូល ព្រមទាំងអ្នកដំណើរតាមផ្លូវ និងអ្នកកាសែតផងដែរ។ ក្នុងហេតុការណ៍នេះ គេមិនឃើញមានប៉ូលិសណាម្នាក់ចូលរួមពាក់ព័ន្ធនោះទេ រហូតដល់ម៉ោង ២៖៣០នាទីរំលងអាធ្រាត្រ ហើយប្រជាជនក្នុងតំបន់ជាច្រើនបង្ហាញការខឹងសម្បារនឹងប៉ូលិសដែលអនុញ្ញាតឲ្យក្រុមអាវសបង្កចលាចល។
ក្រោយកើតហេតុ មនុស្សយ៉ាងហោច ៣៦នាក់រងរបួសដោយក្នុងនោះ ៣នាក់ត្រូវបានបញ្ជូនទៅកាន់មន្ទីរពេទ្យដើម្បីសម្រាកព្យាបាល។ ជាមួយគ្នា រដ្ឋាភិបាលក្រុងហុងកុង បានធ្វើការថ្កោលទោសយ៉ាងធ្ងន់ធ្ងរចំពោះអំពើហិង្សារបស់ក្រុមអាវស ដែលចេញក្នុងសេចក្ដីថ្លែងការណ៍មួយកាលពីយប់មិញផងដែរ៕
សូមទស្សនាវីដេអូខាងក្រោម ៖