យ៉ាងណាហើយ Homeless World Cup កម្ពុជា ចេញទៅប្រកួតនៅវែល
- 2019-08-01 09:20:16
- ចំនួនមតិ 0 | ចំនួនចែករំលែក 0
យ៉ាងណាហើយ Homeless World Cup កម្ពុជា ចេញទៅប្រកួតនៅវែល
ចន្លោះមិនឃើញ
ក្រុមបាល់ទាត់ Homeless World Cup តំណាងកម្ពុជាបានចេញទៅប្រកួតនៅប្រទេសវែលតាំងពីថ្ងៃទី២៧ខែកក្កដាឆ្នាំ២០១៩កន្លងទៅម្ល៉េះ ដោយបានប្រកួតច្រើនប្រកួតមកហើយ។
ការប្រកួតនេះដែរ មានកីឡាករចូលរួមជាង៥០០នាក់ មកពីបណ្ដាប្រទេសជាង៥០ទូទាំងពិភពលោក។ ខណៈដែលនៅអាស៊ានមានតែ២ប្រទេសប៉ុណ្ណោះចូលរួមគឺ កម្ពុជា និងឥណ្ឌូណេស៊ី។ សម្រាប់ក្រុមកម្ពុជា តាំងពីពេលទៅដល់រហូតមកដល់ពេលនេះ ពួកគេលេងបាន៥ប្រកួតហើយ ក្នុងនោះឈ្នះក្រុម អូស្ត្រាលី ៤-១ ចាញ់ក្រុមស្វីស ៧-៤ ចាញ់ក្រុមមិកស៊ិក ៦-០ ឈ្នះដាណឺម៉ាក ដោយបាល់ប៉េណាល់ទី ក្រោយស្មើ ៣-៣ និងចាញ់វេល ៧-១។
លោក ថុង គីមហុង ដែលជាគ្រូបង្វឹកក្រុមយុវជនកម្ពុជា បានបញ្ជាក់ថាក្រុមកម្ពុជាទទួលបានបទពិសោធល្អច្រើនពីការប្រកួតកម្មវិធីនេះ។ មានអ្នកចូលរួមមកពីបណ្ដាប្រទេសជុំវិញពិភពលោកនេះ គឺជារឿងមួយដែលល្អសម្រាប់ក្មេងៗបានស្គាល់និងទំនាក់ទំនងគ្នា យល់ពីការរស់នៅគ្នាទៅវិញទៅមក។ សម្រាប់ការប្រកួតវិញ ក្រុមកម្ពុជាលេងបានល្អជាងឆ្នាំមុនទៀត ប៉ុន្តែទន្ទឹមគ្នានេះ ខាងដៃគូប្រកួតក៏គេរឹតតែមានកម្រិតល្អថែមទៀតផងដែរ។
រំលឹកថាកម្ពុជាមានយុវជន៨នាក់ចូលរួមការប្រកួតខាងលើនេះ ដោយក្នុងនោះរួមមាន យ៉េង សុខរ៉ា, សុខ ប៉ុនតាន, ទុំ វុត្ថា, ផល វ៉ាន់ណេត, សំ ដាំ, គូ រ៉ាត់, ស្រី មករា និង ជា សីមា។ ការប្រកួតនេះដែរ គឺលេងក្នុងទីលាន Futsal ដោយម្ខាងមាន៤នាក់ ១ប្រកួតមាន១៤នាទី ចែកជា២តង់ ១តង់៧នាទី៕