មិនទាន់ប្រកាសថ្ងៃចេញផ្សាយផង រឿងភាគថ្មីទាំង ៥នេះធ្វើឲ្យអ្នកគាំទ្រចាំទស្សនាយ៉ាងអន្ទះសា
- 2019-08-21 02:09:44
- ចំនួនមតិ 0 | ចំនួនចែករំលែក 0
មិនទាន់ប្រកាសថ្ងៃចេញផ្សាយផង រឿងភាគថ្មីទាំង ៥នេះធ្វើឲ្យអ្នកគាំទ្រចាំទស្សនាយ៉ាងអន្ទះសា
ចន្លោះមិនឃើញ
ពីមួយឆ្នាំទៅមួយឆ្នាំ ទូរទស្សន៍ប៉ុស្តិ៍លេខ៣ថៃតែងមានចំណីអារម្មណ៍ថ្មីឥតដាច់សម្រាប់អ្នកគាំទ្ររបស់ខ្លួន តាមរយៈខ្សែភាពយន្ត ដោយមានតារាសម្ដែងល្បីឈ្មោះជាច្រើនប្រចាំប៉ុស្តិ៍ចូលរួមបញ្ចេញទេពកោសល្យ។
យ៉ាងណាមិញ ដោយសារមានព័ត៌មានជាច្រើនបានចុះផ្សាយនាពេលកន្លងមកនូវគម្រោងថតរឿងរបស់តារាប្រុសស្រីល្បីៗ ដូចនេះអ្នកគាំទ្រជាច្រើនក៏កំពុងរង់ចាំយ៉ាងអន្ទះសានូវថ្ងៃចាក់បញ្ចាំងផ្លូវការរបស់រឿងទាំងនោះ។ ក្នុងចំណោមភាពយន្តដែលនឹងត្រៀមបង្ហាញខ្លួនទាំងនោះ មាន ៥រឿងដែលគ្រប់គ្នាចង់មើលជាងគេ មានដួចជា៖
១. រឿង ''Roy Leh Marnya”
រឿងនេះមានការសម្ដែងពីដៃគូដ៏ស័ក្ដិសម Pope Thanawat និង Bella Ranee។ នេះជាការជួបគ្នាជាថ្មីម្ដងទៀតរវាងអ្នកទាំង ២ បន្ទាប់ពីទទួលជោគជ័យរួមគ្នាតាមរយៈរឿង "បុព្វេសន្និវាស” កាលពីឆ្នាំមុន។ ដោយឡែករឿង "Roy Leh Marnya” នេះ គ្រោងនឹងចាក់ផ្សាយនៅចុងឆ្នាំ ២០១៩នេះ។
២. រឿង "Lai Kinaree”
តាមការចុះផ្សាយ បានឲ្យដឹងថា រឿងនេះនឹងមានការចូលរួមសម្ដែងដោយ Nadech និង Yaya ហើយព័ត៌មានទើបទទួលបាន តួឯកទាំង ២នឹងចាប់ផ្ដើមថតរូបដាក់រឿងនៅខែក្រោយនេះ។ ដូចនេះមានន័យថាសរុបទាំងរឿងនេះ វានឹងក្លាយជាស្នាដៃទី ៨ហើយសម្រាប់ ពួកគេដែលមានឱកាសសម្ដែងរឿងជាមួយគ្នា។
៣. រឿង "Song Sanaeha”
នៅក្នុងរឿងនេះ Kimmy Kimberley នឹងត្រូវសម្ដែងជាតួកូនភ្លោះ ហើយក៏ត្រូវប៉ះជាមួយដៃគូចាស់ James Ma ជាថ្មីម្ដងទៀតផងដែរ។ បន្ទាប់ពីរូបភាពនៃសកម្មភាពថតរឿងក្រៅឆាកត្រូវបានបង្ហាញនាពេលកន្លងមក អ្នកគាំទ្រមិនតិចនោះទេ លាន់មាត់ថាចង់មើលសាច់រឿងទាំងមូលក្នុងពេលឆាប់នេះខ្លាំងណាស់។
៤. រឿង "Ok Keub Hak Ab Ruk Khun Samee”
ឯរឿងនេះវិញ មាន Mark Prin និង Mew Nittha ជាតួឯក ហើយវាជារឿងដែលតារាប្រុសស្រីទាំង ២មានឱកាសបានជួបសម្ដែងជាមួយគ្នាលើកដំបូងបង្អស់។ តាមការឲ្យដឹង Mark និង Mew ពិតជាសម្ដែងសមគ្នា និងស៊ីសង្វាក់គ្នាបំផុត ទោះបីជាលើកទី ១ជាមួយគ្នា ប្រការនេះហើយទើបធ្វើឲ្យ Fan កាន់តែចង់ទស្សនារឿងនេះខ្លាំងឡើងៗ។
៥. រឿង "Leh Bunpakarn”
នេះជារឿងទី ៣សម្រាប់ James Jirayu និង Taew Natapohn ដែលមានរួមការងារជាមួយគ្នាតាមរយៈរឿងភាគ។ ទោះបីមួយរយៈចុងក្រោយ រឿងភាគរបស់ពួកគេចេញផ្សាយញឹកញាប់ ប៉ុន្តែសម្រាប់អ្នកគាំទ្រគ្មានទេពាក្យថាធុញចំពោះរឿងថ្មីនេះ ហើយម្នាក់ៗបន់ឲ្យតែរឿងនេះចាក់ផ្សាយឆាប់ៗទៀតផង៕