មកដឹង ២ចំណុចសំខាន់ៗ ដើម្បីអភិវឌ្ឍកន្លែងសាធារណក្នុងក្រុងភ្នំពេញ

2019-08-21 10:07:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្នំពេញគឺជាទីក្រុងដ៏សម្បូរបែបដែលប្រមូលផ្ដុំទៅដោយបណ្តុំសំណង់អាគារធំៗជាច្រើន រួមបញ្ជូលទាំងទីផ្សារ និងផ្សារទំនើបដែលធំជាងគេក្នុងប្រទេសកម្ពុជា សកលវិទ្យាលយ័ច្រើនជាងគេសំរាប់សិស្សានុសិស្សសិក្សារៀនសូត្រ ព្រលានយន្តហោះអន្តរជាតិ កំពង់ផែផ្លូវទឹក និងកំពង់ផែផ្លូវគោកសម្រាប់ផ្គត់ផ្គង់ការដឹកជញ្ជូននិងផ្ទុកទំនិញផ្សេងៗ និងកន្លែងទេសចរណ៍ដែលទាក់ទាញភ្ញៀវជាតិ-អន្តរជាតិបានច្រើនលំដាប់ទី២បន្ទាប់ពី ក្រុងសៀមរាប។ យ៉ាងណាមិញ រដ្ឋធានីរបស់ប្រទេសកម្ពុជាមួយនេះ នៅមានការខ្វះខាតចំពោះសួនច្បារ និងទីធ្លាសាធារណជាច្រើនទៀតសម្រាប់ប្រជាជនក្នុងការជួបជុំ និងលំហែកម្សាន្ដ។ ក្រុមហ៊ុនស្ថាបត្យកម្ម និងរចនា COLE ដែលមានមូលដ្ឋានក្នុងក្រុងភ្នំពេញ បានផ្ដល់យោបល់ ២សំខាន់ៗ អភិវឌ្ឍកន្លែងសាធារណក្នុងក្រុងភ្នំពេញ។

១. ដាំដើមឈើបន្ថែមនៅជុំវិញវត្តអារាម

ការដាំដើមឈើបន្ថែម នឹងអាចកែប្រែទៅជាកន្លែងសាធារណដ៏ល្អបំផុតសម្រាប់ប្រជាជនក្នុងការអង្គុយជជែកគ្នា និងលំហែកម្សាន្ដ ខណៈដែលនៅតាមដងផ្លូវមានភាពមមាញឹកទៅដោយការធ្វើចរចារ។

២. បង្កើតផ្លូវសម្រាប់អ្នកថ្មើរជើង

ការបង្កើតផ្លូវថ្មើរជើងថ្មី អាចចាប់ផ្ដើមនៅលើផ្លូវលេខ ២៤០ ដោយសារតែវាភ្ជាប់ពីព្រះបរមរាជវាំងមកកាន់វិមានឯករាជ្យ។ ហេតុដូច្នេះហើយ ផ្លូវថ្មើរជើងនឹងបង្កលក្ខណៈងាយស្រួល និងទាក់ទាញប្រជាជនឲ្យដើរកម្សាន្ដដោយមិនបារម្ភពីបញ្ហាកកស្ទះចរាចរ៕