អបអរសាទរ! ក្រុមរាំ OMG ជាប់ជាតំណាងកម្ពុជាទៅប្រកួតរាំនៅកូរ៉េលើកដំបូង
- 2019-08-23 02:51:51
- ចំនួនមតិ 0 | ចំនួនចែករំលែក 0
អបអរសាទរ! ក្រុមរាំ OMG ជាប់ជាតំណាងកម្ពុជាទៅប្រកួតរាំនៅកូរ៉េលើកដំបូង
ចន្លោះមិនឃើញ
ក្រុមរាំនារី OMG បានជាប់ជាតំណាងកម្ពុជាស្ថាពរទៅប្រកួតរាំជាលក្ខណៈអន្តរជាតិលើកដំបូងក្នុងប្រវត្តិសាស្ត្រនៃកម្មវិធី K-POP World Festival នៅកម្ពុជា។
កាលពីយប់មិញ គេហទំព័រផ្លូវការរបស់ស្ថានទូតកូរ៉េនៅកម្ពុជាបានប្រកាសថា ក្រុមរាំស្រីស្អាត OMG ដែលជាម្ចាស់ជយលាភីក្នុងកម្មវិធី K-POP World Festival ២០១៩ របស់កម្ពុជា ត្រូវបានជ្រើសរើសជា ១២ ក្រុមចុងក្រោយ ដែលនឹងត្រូវទៅប្រកួតវគ្គផ្ដាច់ព្រ័ត្រនៅកូរ៉េ ដើម្បីដណ្ដើមយកពានរង្វាន់ជើងឯកប្រចាំឆ្នាំ ២០១៩ នៃកម្មវិធី K-POP World Festival។ ការប្រកួតរាំបែបចម្រៀង K-POP នេះនឹងប្រព្រឹត្តិទៅក្នុងខែតុលា នៅទីក្រុង Changwon នៃសាធារណៈរដ្ឋកូរ៉េខាងមុខនេះ។
OMG បានប្រកាសថា ពួកគេនឹងខិតខំប្រឹងប្រែងឲ្យអស់ពីកម្លាំងកាយចិត្ត ដើម្បីបង្ហាញសមត្ថភាពនៅលើឆាកអន្តរជាតិ ព្រោះនេះគឺជាលើកដំបូងរបស់ក្រុម និងកម្ពុជាផងដែរ។
បើទោះបីកម្ពុជាមានកម្មវិធីប្រកួតរាំនេះដូចប្រទេសដទៃទៀតក៏ពិតមែន ប៉ុន្តែកម្ពុជាមិនធ្លាប់មានបេក្ខជនណាអាចឈានដល់វគ្គផ្ដាច់ព្រ័ត្រនោះទេ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
