គូស្នេហ៍វ័យក្មេង រៀបការហើយបានប៉ុន្មាននាទី ស្រាប់តែស្លាប់ក្នុងគ្រោះថ្នាក់ចរាចរគួរឲ្យរន្ធត់

2019-08-26 02:09:44
ចំនួនមតិ 0 | ចំនួនចែករំលែក 0

ចន្លោះមិនឃើញ

រយៈពេលត្រឹមប៉ុន្មាននាទីប៉ុណ្ណោះក្រោយការបញ្ចប់ពិធីរៀបអាពាហ៍ពិពាហ៍ គូស្នេហ៍ថ្មីថ្មោងត្រូវបានសម្លាប់ក្នុងហេតុការណ៍គ្រោះថ្នាក់ចរាចរដ៏គួរឲ្យរន្ធត់មួយកាលពីរសៀលថ្ងៃសុក្រសប្ដាហ៍មុននៅរដ្ឋតិចសាស់សហរដ្ឋអាមេរិក។

យោងតាមសារព័ត៌មានក្នុងតំបន់ឲ្យដឹងថាកូនកំលោះឈ្មោះ Harley Morgan វ័យ ១៩ឆ្នាំ និងកូនក្រមុំ Rhiannon Boudreaux វ័យ ២០ឆ្នាំ ត្រូវបានស្លាប់ក្នុងទីក្រុង Orange ក្រោយពេលដែលជួបគ្រោះថ្នាក់ចរាចររថយន្ដបុកគ្នាជាមួយឡានសណ្ដោងត្រាក់ទ័រ។ យោងតាមសេចក្ដីថ្លែងការណ៍របស់នាយកដ្ឋានប៉ូលិសនៃទីក្រុងឲ្យដឹងថា មុនពេលកើតហេតុ គូស្នេហ៍ទាំងពីរនាក់ បានចាកចេញពីកន្លែងនៃពិធីរៀបអាពាហ៍ពិពាហ៍របស់ពួកគេដោយធ្វើដំណើរតាមផ្លូវហាយវ៉េលេខ ៨៧ ក៏ស្រាប់តែបុកគ្នាជាមួយឡានសណ្ដោងត្រាក់ទ័រតែម្ដង។

ចំណែកឯម្ដាយ និងបងស្រីកូនកំលោះដែលបានធ្វើដំណើរពីក្រោយ និងឃើញហេតុការណ៍នេះផ្ទាល់ឲ្យដឹងថា "ខ្ញុំបានសម្លឹងមើលកូនប្រុសរបស់ខ្ញុំស្លាប់នៅនឹងមុខ។ ឈាមរបស់កូនប្រុសខ្ញុំនៅតែដិតដានលើដៃដោយសារតែខ្ញុំព្យាយាមទាញគេចេញពីឡាន។” សាក្សីដែលឃើញហេតុការណ៍ឲ្យដឹងដែរដែរ រថយន្ដរបស់ជនរងគ្រោះទាំងពីរនាក់ បានក្រឡាប់ពីរទៅបីជុំក្រោយពេលដែលមានការប៉ះទង្គិច។

(ម្ដាយ និងបងស្រីកូនកំលោះ)

យ៉ាងណាមិញ អ្នកបើកបរឡានសណ្ដោង ត្រូវបានសណ្ដោងមិនមានរបួសនោះទេ ប៉ុន្តែត្រូវបានប៉ូលិសបញ្ជូនទៅពិនិត្យរកសារធាតុញៀន និងគ្រឿងស្រវឹង ហើយការស៊ើបអង្កេតត្រូវបានធ្វើឡើងបន្ដទៀត៕

ប្រភព៖ Gulf News ប្រែសម្រួល៖ រ័ត្ន