Cavani និង Mbappe របួស ខណៈអនាគត Neymar ស្រពិចស្រពិល
- 2019-08-26 13:05:11
- ចំនួនមតិ 0 | ចំនួនចែករំលែក 0
Cavani និង Mbappe របួស ខណៈអនាគត Neymar ស្រពិចស្រពិល
ចន្លោះមិនឃើញ
ក្នុងពេលអម្បាញ់មិញនេះ ក្លឹប Paris Saint-Germain បានប្រកាសជាសាធារណៈថា ខ្សែប្រយុទ្ធបង្គោលរបស់ខ្លួនទាំងពីររូបគឺ កីឡាករបារាំង Kylian Mbappe និងកីឡាករអ៊ុយរុយហ្គាយ Edison Cavani នឹងអវត្តមានពីទីលានប្រកួតជាច្រើនសប្ដាហ៍។
បើតាមសេចក្ដីប្រកាសរបស់ក្លឹបបានឲ្យដឹងថា Mbappe បានរងរបួសភ្លៅ ដែលធ្វើឲ្យគេខកខានលេងឲ្យក្លឹបបារាំងនេះ រយៈពេល ១ខែ។ រីឯ Cavani វិញ របួសសាច់ដុំភ្លៅ ហើយអាចនឹងអវត្តមានរយៈពេល ៣ សប្ដាហ៍។
ចំណែកឯខ្សែប្រយុទ្ធប្រេស៊ីលកីឡាករ Neymar វិញ គ្រូបង្គោល Thomas Tuchel បាននិយាយប្រាប់សារព័ត៌មាន Canal+ ថា អនាគតរបស់គេនៅមិនទាន់ច្បាស់ទេ ខណៈឈ្មោះរបស់គេក៏មិនត្រូវដាក់បញ្ចូលនៅក្នុងក្រុមដែរ។
PSG បានយកឈ្នះក្លឹប Toulouse ក្នុងលទ្ធផល ៤-០ ក្នុងប្រកួតសប្ដាហ៍ទី ២ នៃ Ligue 1 ក្រោយពីចាញ់ Rennes ២-១ នៅប្រកួតបើកឆាក៕