ទើបដើមរដូវកាល Real មានកីឡាករ៩នាក់ហើយដែលរបួស
- 2019-08-28 08:57:49
- ចំនួនមតិ 0 | ចំនួនចែករំលែក 0
ទើបដើមរដូវកាល Real មានកីឡាករ៩នាក់ហើយដែលរបួស
ចន្លោះមិនឃើញ
Real Madrid កំពុងជួបបញ្ហាឈឺក្បាលដោយសារបញ្ហាកីឡាកររបួស បន្ទាប់ពីគ្រូពេទ្យបញ្ជាក់ថា ពួកគេបាត់បង់ James Rodriguez ម្នាក់ទៀត។
ខ្សែបម្រើសញ្ជាតិកូឡុំប៊ីបានមានរបួសកំភួនជើងក្នុងការប្រកួតដែលក្លឹបជើងឯក UEFA Champions League ១៣សម័យកាលលេងស្មើគ្នា ជាមួយ Valladolid នៅ LaLiga កាលពីថ្ងៃសៅរ៍កន្លងទៅ។ James គឺជាកីឡាករទី៩របស់ Real Madrid ដែលមានបញ្ហានៅរដូវកាលនេះ។
Brahim Diaz គឺជាកីឡាករដំបូងដែលបើកឆាកមុនគេក្រោយមានរបួសភ្លៅ, Ferland Mendy មានរបួសសាច់ដុំ, ហើយ Luka Jovic មានបញ្ហាជង្គង់។ Marco Asensio ត្រូវសម្រាកពេញមួយរដូវកាលដោយសារវះកាត់ជង្គង់, Thibaut Courtois របួសប្រអប់ជើងប៉ុន្តែរយៈពេលខ្លី ខណៈ Rodrygo Goes និង Hazard របួសភ្លៅដូចគ្នា៕