មិនធម្មតា! អាស៊ីតខ្លាញ់អូមេហ្គា ៣ មានទាំងគុណសម្បត្តិសម្រាប់ទាំងមនុស្សចាស់ និងក្មេងៗ

2020-01-02 03:56:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អាស៊ីតខ្លាញ់អូមេហ្គា ៣ (Omega 3) នៅក្នុងអាហារ និងអាហារបំប៉នជួយការពារកោសិកាដែលមាននៅជុំវិញខ្លួន។ អាស៊ីតខ្លាញ់ដែលចម្រាញ់ចេញពីប្រេងរុក្ខជាតិមានដូចជា គ្រាប់ជី ផ្កាថ្មគ្រាប់វែលនុត ( Walnut) និងត្រីនៅទឹកត្រជាក់(ត្រីសាម៉ុង និងត្រីសាឌីន) នេះ មានអត្ថប្រយោជន៍ដល់សុខភាព និងរាងកាយបានយ៉ាងច្រើនដូចជា៖

១.អត្ថប្រយោជន៍ដែលមានក្នុងខ្លួន

តាមការសិក្សាបានឲ្យឃើញថា អ្នកដែលបរិភោគសាច់ត្រីដែលមានប្រភពសំខាន់នៃអាស៊ីតខ្លាញ់អូមេហ្គា ៣ ជាទូទៅមានហានិភ័យទាបនៃជំងឺរយៈពេលវែង ជាងអ្នកដែលមិនបរិភោគ។

២.កាត់បន្ថយឱកាសនៃការគាំងបេះដូង

បើយោងទៅតាម ODS មានភស្តុតាងថា អ្នកដែលប្រើថ្នាំគ្រាប់ អូមេហ្កា៣ អាចកាត់បន្ថយហានិភ័យជំងឺគាំងបេះដូង។

៣.បំប៉នទារកនៅក្នុងផ្ទៃ

ការសិក្សាមួយបានបង្ហាញថា អ្នកម្ដាយដែលកំពុងតែពពោះបានលេបថ្នាំ ខ្លាញ់ត្រីនោះទារកមិនងាយនិងកើតជំងឺហឺត ជាជាងក្មេងដែលម្ដាយប្រើថ្នាំ Placebo។ តែក៏មានការរកឃើញផ្សេងៗ ពីគ្នាដោយមិនបានបញ្ជាក់ច្បាស់លាស់នោះទេ។

៤.កាត់បន្ថយជំងឺបាក់ទឹកចិត្ត ទទួលទានប្រេងត្រីអំឡុងពេលមានផ្ទៃពោះអាចកាត់បន្ថយហានិភ័យនៃជំងឺបាក់ទឹកចិត្តក្រោយពេលសម្រាលកូនរួច។ ការបរិភោគត្រីដែលមានបរិមាណអូមេហ្គា ៣ខ្ពស់ចាប់ពី ២ ទៅ៣ ដងក្នុងមួយសប្ដាហ៍អាចមានអត្ថប្រយោជន៍ច្រើន។ បើតាមប្រភពអាហារមួយចំនួនបានណែនាំឲ្យញ៉ាំខ្លាញ់ត្រីជាជាងអាហារបំប៉ន ព្រោះវាផ្ដល់ប្រូតេអ៉ីន និងសារធាតុរ៉ែផងដែរ។

ទោះមានការអះអាងថា វាល្អសម្រាប់សុខភាពពិតមែន តែការទទួលទានខ្លាញ់ត្រី និងថ្នាំគ្រាប់អូមេហ្គា ៣ ក៏អាចបង្កគ្រោះថ្នាក់ដល់មនុស្សមួយចំនួនដែរ ក្នុងនោះមានដូចជា ៖

ថ្នាំគ្រាប់អូមេហ្គា ៣ អាចជះឥទ្ធិពលដល់ការកកឈាម។
បង្កឲ្យមានផលប៉ះពាល់ដែលជាធម្មតាបញ្ហាក្រពះពោះរៀនតូច ដូចជាការបត់ជើងធំ និងការរំលាយអាហារ ឬរាគ។
ខ្លាញ់ថ្លើមត្រីមានផ្ទុកវីតាមីន A និង D ច្រើនពេកទាំងនេះអាចបណ្ដាលឲ្យពុលបាន។
ចំពោះអ្នកដែលមានប្រតិកម្មនឹងសំបកខ្យង ឬអាឡែកហ្សីត្រីអាចមានគ្រោះថ្នាក់ប្រសិនបើអ្នកទទួលទានថ្នាំគ្រាប់ខ្លាញ់ត្រី។

Manulife Cambodia គាំទ្រការស្រលាញ់សុខភាព

ប្រភព៖ medicalnewstoday ប្រែសម្រួល៖ សុខុន សុម៉ាភាវី

ពាក្យទាក់ទង