មួយទៀតហើយវិទ្យាល័យនេះសិស្សប្រឡងបាក់ឌុបជាប់១០០ភាគរយបីឆ្នាំជាប់គ្នា
- 2019-09-10 07:15:49
- ចំនួនមតិ 0 | ចំនួនចែករំលែក 0
មួយទៀតហើយវិទ្យាល័យនេះសិស្សប្រឡងបាក់ឌុបជាប់១០០ភាគរយបីឆ្នាំជាប់គ្នា
ចន្លោះមិនឃើញ
វិទ្យាល័យហ៊ុន សែន ត្បែងមានជ័យ ក្នុងស្រុកត្បែងមានជ័យ ខេត្តព្រះវិហារ បានរក្សាកំណត់ត្រារបស់ខ្លួនសិស្សប្រឡងបាក់ឌុបជាប់១០០ភាគរយចំនួនបីឆ្នាំជាប់ៗគ្នា។
នាយកវិទ្យាល័យហ៊ុន សែនត្បែងមានជ័យ លោក សោម សូខេត ថ្លែងប្រាប់Sabay នារសៀលនេះថាកាលឆ្នាំ២០១៧ សិស្សថ្នាក់ទី១២ របស់លោកមានចំនួន១២នាក់ នៅឆ្នាំ២០១៨ មានចំនួន២៤នាក់ និងនៅឆ្នាំ២០១៩ នេះមានចំនួន១៤នាក់ ជាសិស្សផ្នែកសង្គមទាំងអស់។ លោកបញ្ជាក់ថាទាំងបីឆ្នាំនេះសិស្សបានប្រឡងជាប់គ្រប់ៗគ្នាមិនដែលមានធ្លាក់ឡើង។
លោកឲ្យដឹងថានិទ្ទេសសិស្សនៅវិទ្យាល័យរបស់លោកខ្ពស់បំផុតត្រឹមនិទ្ទេសC។ លោកថ្លែងថា៖ «សប្បាយចិត្ត ត្រែកអរណាស់ នេះបង្ហាញពីលទ្ធផលការខំប្រឹងបង្រៀនរបស់លោកគ្រូ អ្នកគ្រូ និងការខិតខំរបស់សិស្សខ្លួនឯង»៕