ឡៅ ចិត្រា មិនបានគិតថាឈ្នះ ឡុង ជិន លឿនបែបនេះទេម្សិលមិញ
- 2019-09-16 05:01:33
- ចំនួនមតិ 0 | ចំនួនចែករំលែក 0
ឡៅ ចិត្រា មិនបានគិតថាឈ្នះ ឡុង ជិន លឿនបែបនេះទេម្សិលមិញ
ចន្លោះមិនឃើញ
អ្នកប្រដាល់មកពីខេត្តកំពង់ស្ពឺ ឡៅ ចិត្រា មុនការប៉ះគ្នាជាមួយ ឡុង ជិន ម្សិលមិញនេះមិនបានគិតថាខ្លួនអាចឈ្នះលឿនបែបនេះឡើយក្នុងវគ្គពាក់កណ្ដាលផ្ដាច់ព្រ័ត្រខ្សែក្រវាត់មាស ទម្ងន់ ៦០គីឡូក្រាមនៅ PNN។
ចិត្រា លើកឡើងពេលសម្ភាសជាមួយពិធីករថា ខ្លួនមិនបានគិតដល់ថាផ្ដួលកីឡាករ ឡុង ជិន ឲ្យលឿន ឬសន្លប់ក្នុងទឹកណាមួយនៃការប្រកួតដ៏សំខាន់នេះទេ គឺត្រឹមខំប្រឹងវ៉ៃឲ្យអស់ពីសមត្ថភាពតែប៉ុណ្ណោះ។
ម្ចាស់មេដាយសំរឹទ្ធស៊ីហ្គេម២០១៧ រូបបន្ថែមទៀតថា សម្រាប់ការប្រកួតម្សិលមិញនេះ គឺដឹងតែចូលទឹកទី១ទៅព្យាយាមចេញអាវុធឲ្យបានធ្ងន់ៗ ដូចជាទាត់ និងកណ្ដាប់ដៃ ប៉ុន្តែ ឡុង ជិន ត្រូវនិងស្នៀតទាត់ក្រោមរបស់ខ្លួនហើយ បង្ហាញសញ្ញាឈឺជើង។ ចិត្រា ក៏ព្យាយាមទាត់សន្ធាប់បន្ថែម ហើយឃើញចន្លោះខាងលើ ក៏ប្រើកណ្ដាប់ដៃវ៉ៃខាងលើថែមទៀត ហើយក៏ត្រូវសន្លប់ក្នុងទឹកទី១នេះទៅ។
កីឡាករ ឡៅ ចិត្រា បានឡើងទៅវគ្គផ្ដាច់ព្រ័ត្រខ្សែក្រវាត់មាសមុនគេម្សិលមិញនេះ បន្ទាប់ពីផ្ដួល ឡុង ជិន ឲ្យសន្លប់ក្នុងទឹកទី១ វគ្គពាក់កណ្ដាលផ្ដាច់ព្រ័ត្រ។ សប្ដាហ៍នេះរវាង លន បញ្ញា និង សុខ សាវិន ប្រសិនបើអ្នកណាឈ្នះនឹងត្រូវប៉ះ ចិត្រា វគ្គផ្ដាច់ព្រ័ត្រខ្សែក្រវាត់មាសរបស់ PNN៕
ឡុង សុភី ប្រាប់អារម្មណ៍ពិតពេលឮអ្នកគាំទ្រប្រដាល់និយាយក្បាច់...
ចូលរួមត្រេកអរ! ឡៅ ចិត្រា បានឡើងទៅវគ្គផ្ដាច់ព្រ័ត្រខ្សែក្រវាត់...
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
