Peak និង Bella សម្ដែងរឿងថ្មីលំនាំ «Something In The Rain»?
- 2019-09-17 02:45:59
- ចំនួនមតិ 0 | ចំនួនចែករំលែក 0
Peak និង Bella សម្ដែងរឿងថ្មីលំនាំ «Something In The Rain»?
ចន្លោះមិនឃើញ
គ្រាន់តែបានដឹងថា Bella Ranee និង Kongthap Peak នឹងសម្ដែងរឿងរួមគ្នាជាតួឯកប្រុសស្រី អ្នកគាំទ្រមិនតិចទេនាំគ្នាភ្ញាក់ផ្អើល មានទាំងរីករាយ និងខ្លះទៀតលាន់មាត់ថាតួស្រីចាស់ជាងតួប្រុសឆ្ងាយពេក។
បើផ្អែកតាមវិបសាយ Daradaily បានបញ្ជាក់ថា រឿងភាគថ្មីរបស់ប៉ុស្តិ៍លេខ ៣បានជ្រើសតារាសម្ដែងស្ថិតនៅលំដាប់ A គឺ Bella Ranee សម្ដែងជាតួឯកស្រីជាមួយតារាសម្ដែងវ័យក្មេង Kongthap Peak ដែលទើបបញ្ចប់ការប្រកួតនៅប្រទេសកូរ៉េ មកបន្តការងារនៅថៃវិញ។
ដោយសារតែឃើញពីគម្លាតវ័យរបស់តួសម្ដែងទាំង ២ ទើបមហាជនមានការភ្ញាក់ផ្អើល ហើយសន្និដ្ឋានថារឿងនេះ ប្រហែលជាយកលំនាំតាមរឿងកូរ៉េ «Something In The Rain» ដែលមាន Son Ye Jin និង Jung Hae In ជាតួឯក។ ប៉ុន្តែពេលនោះការបកស្រាយក៏លេចឡើងភ្លាមៗ ដោយអះអាងថារឿងថ្មីដែលមានចំណងជើងថា «Hai Ruk Pipaksa» ឬ «Dare To Love» មិនបានថតតាម Version កូរ៉េទេ។ បន្ថែមពីលើនេះ តារាសម្ដែងសំខាន់ៗនឹងចាប់ផ្ដើមថតរូបដាក់រឿងនៅថ្ងៃទី ០៤ ខែតុលា ឆ្នាំ ២០១៩ខាងមុខនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
