លេចចេញរូបរាងទាំងដុលរបស់ Huawei Mate 30 ទាំង ៤ ម៉ូដែល មុនថ្ងៃប្រកាស

2019-09-17 03:27:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ទូរសព្ទកំពូលរបស់ Huawei នឹងប្រកាសជាផ្លូវការនៅ ពីរ ថ្ងៃខាងមុខនេះ ហើយនៅថ្ងៃនេះលោក Evan Blass បានបង្ហាញរូបរាងទាំងអស់នៃត្រកូល Mate 30 ទាំងនេះ។ អ្វីដែលគួរឲ្យចាប់អារម្មណ៍នោះគឺមានម៉ូដែល Porsche Design ផងដែរ។

Mate30 Pro

ខាងមុខ

អេក្រង់ទឹកធ្លាក់

Huawei Mate 30 Pro មានកាមេរ៉ា ៤ គ្រាប់ស្ថិតក្នុងរង្វង់មូល ឯ LED flash និង 3D ToF ស្ថិតនៅកៀន។ នៅខាងមុខមានក្បាលឆកតូចបង្កប់ sensor ស្កេនមុខ និងមានអេក្រង់ទឹកធ្លាក់ (waterfall) ដែលកោងខ្លាំងស្ទើរតែគ្មានគែម។

Mate30

Huawei Mate 30 មានអេក្រង់រាបនិងក្បាលឆកតូចជាងស៊េរី Pro ។ ក្នុងក្បាលឆកមិនច្បាស់ថាអាចមានកាមេរ៉ា ២ គ្រាប់ឬមួយជា sensor ស្កេនមុខឡើយ។ រចនាបថខាងក្រោយស្រដៀងនឹង 30 Pro ដែរ តែគ្មាន ToF ។

Mate30 Lite

Huawei Mate 30 Lite មានកាមេរ៉ាមួយនៅខាងមុខ និងមានរចនាបថកាមេរ៉ាជ្រុងនៅក្រោយស្រដៀង Mate20 ហើយផ្ទុកកាមេរ៉ា ៤ គ្រាប់ ចំណែកស្កេនម្រាមដៃនៅក្រោមកាមេរ៉ាមិននៅក្នុងអេក្រង់ឡើយ។

Mate30 Porsche Design

Huawei Mate 30 Porsche Design មានលក្ខណៈប្លែកជាងគេ វាមានខ្នងធ្វើពីស្បែក ដែលមានរចនាបថដូចឡានប្រណាំង។ មិនតែប៉ុណ្ណោះ មានសំបកការពារថ្មីដែលអាចដាក់ទូរសព្ទឲ្យឈរបាន។