គួរឲ្យភ្ញាក់ផ្អើល! រថភ្លើងដឹកអ្នកដំណើរជាង ៥០០នាក់ រត់ធ្លាក់ផ្លូវនៅហុងកុង
- 2019-09-17 08:14:41
- ចំនួនមតិ 0 | ចំនួនចែករំលែក 0
គួរឲ្យភ្ញាក់ផ្អើល! រថភ្លើងដឹកអ្នកដំណើរជាង ៥០០នាក់ រត់ធ្លាក់ផ្លូវនៅហុងកុង
ចន្លោះមិនឃើញ
រថភ្លើងមួយខ្សែ បានជួបហេតុការណ៍ដ៏គួរឲ្យរន្ធត់ដោយរត់ធ្លាក់ផ្លូវក្នុងទីក្រុងហុងកុងកាលពីថ្ងៃអង្គារកន្លងទៅ បណ្ដាលឲ្យមានការផ្អាកដំណើរការជាបណ្ដោះអាសន្ន។
យោងតាមរដ្ឋលេខាធិការផ្នែកដឹកជញ្ជូនក្នុងទីក្រុងលោក Frank Chan Fan ឲ្យដឹងថាមុនពេលកើតហេតុ រថភ្លើងមួយខ្សែមាន ១២ទូ បានដឹកអ្នកដំណើរប្រមាណ ៥០០នាក់ពី Mong Kok East ទៅកាន់ស្ថានីយ Hung Hom ។ ស្រាប់តែវេលាម៉ោងប្រមាណ ៨:៣០នាទីព្រឹក ទូរថភ្លើងចំនួន ៣បានរថភ្លើងធ្លាក់ផ្លូវខណៈធ្វើដំណើរជិតមកដល់គោលដៅដែលបណ្ដាលឲ្យមនុស្ស ៨នាក់រងរបួស។ យ៉ាងណាមិញ ក្នុងចំណោមអ្នករងគ្រោះទាំងមិនមានគ្រោះថ្នាក់ធ្ងន់ធ្ងរ ឬបាត់បង់ជីវិតនោះទេដោយពួកគេត្រូវបានបញ្ជូនទៅកាន់មន្ទីរពេទ្យដើម្បីធ្វើការព្យាបាលបន្ដ។
ក្រោយពេលកើតហេតុ អាជ្ញាធរបានបើកការស៊ើបអង្កេតមួយដើម្បីស្វែងរកមូលហេតុពិតប្រាកដដែលបណ្ដាលឲ្យរថភ្លើងរត់ធ្លាក់ផ្លូវ ខណៈពេលដែលការដំណើរការបម្រើសេវាកម្មត្រូវបានផ្អាកជាបណ្ដោះអាសន្ន៕