នៅសិង្ហបុរី អ្នកតម្រង់ជួរចាំទិញ iPhone 11 រាប់រយនាក់ ភាគច្រើនជនជាតិវៀតណាម
- 2019-09-19 06:59:53
- ចំនួនមតិ 0 | ចំនួនចែករំលែក 0
នៅសិង្ហបុរី អ្នកតម្រង់ជួរចាំទិញ iPhone 11 រាប់រយនាក់ ភាគច្រើនជនជាតិវៀតណាម
ចន្លោះមិនឃើញ
នៅវេលាម៉ោង ៤ ព្រឹក ថ្ងៃទី ១៩ ខែកញ្ញា គេសង្កេតឃើញថាមានមនុស្សប្រមាណ ៥០ នាក់ បានបង្ហាញមុខនៅហាង Apple Store Orchard នៃប្រទេសសិង្ហបុរី ដែលពួកគេត្រៀមខ្លួនតម្រង់ជួរចាំទិញ iPhone ស៊េរីថ្មី។
នៅត្រឹមម៉ោង ៩ ព្រឹក ចំនួនអ្នកប្រមូលផ្ដុំនៅហាង Apple Store ខាងលើមានប្រហែល ៣០០ នាក់ ដែលភាគច្រើនគឺជាជនជាតិវៀតណាម។ នៅវេលាម៉ោង ៩៖១០ នាទី ហាង Apple ចាប់ផ្ដើមចែកនូវកងដៃដល់អ្នកតម្រង់ជួរ ដែលកងដៃអាចឲ្យអ្នកចាំទិញ iPhone ចេញទៅសម្រួលនៅបន្ទប់ទឹក ឬ ហូបអាហារ ដែលមានពេល ៦០ នាទី និងអាចចេញពីជួរ ៤ ដង។ កងដៃនេះមិនអាចប្រើប្រាស់លើកទីពីរនោះទេ ហេតុនេះមិនអាចផ្ទេរឲ្យអ្នកដទៃបានឡើយ។
អ្នកដែលតម្រង់ជួរចាំទិញ ភាគច្រើនគឺយកវាទៅលក់បន្តឲ្យឈ្មួញនៅប្រទេសវៀតណាម ដែលអាចបានប្រាក់កម្រៃច្រើនគួរសម។ កាលពីឆ្នាំកន្លងៗមក ក៏មានសម្បូរទៅដោយជនជាតិវៀតណាមមកតម្រង់ជួរចាំទិញ iPhone យកទៅលក់បន្តនៅវៀតណាមផងដែរ៕
ចុចអាន ៖ ឆែកតម្លៃ iPhone ឆ្នាំ ២០១៨ មុនពេលស៊េរីថ្មីមកដល់ខ្មែរ