Lexus ចុះកម្មសិទ្ធឈ្មោះ LX600 សង្ស័យមានបន្ថែមម៉ាស៊ីនថ្មីលើរថយន្ត SUV ធំរបស់ខ្លួន

2019-10-18 04:38:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Lexus បានចុះបញ្ជីធ្វើជាម្ចាស់នៃឈ្មោះ "LX600” ជាមួយការិយាល័យប៉ាតង់និងកម្មសិទ្ធិបញ្ញានៅអាមេរិក ដែលជាការឲ្យសញ្ញាថារថយន្ត Lexus LX អាចមានបន្ថែមជម្រើសម៉ាស៊ីនថ្មី។

បច្ចុប្បន្ននេះ Lexus LX មានពីរប្រភេទគឺ LX570 ប្រើម៉ាស៊ីន ៥,៧ លីត្រ ៨ ស៊ីឡាំង និង LX 450d ប្រើម៉ាស៊ីនម៉ាស៊ូតចំណុះ ៤,៥ លីត្រ ប្រភេទ Turbo។ ប្រសិនបើ Lexus បន្តប្រើវិធីសាស្ត្រឈ្មោះនេះ មានន័យថា LX600 នឹងជារថយន្តម៉ាស៊ីន ៦,០ លីត្រ ៨ ស៊ីឡាំង។

ប៉ុន្តែកន្លងមក Lexus បានចាប់ផ្ដើមផ្លាស់ប្ដូរវិធីសាស្ត្រដាក់ឈ្មោះរបស់ខ្លួន ដោយជាក់ស្ដែងជាមួយរថយន្ត Lexus RX ម៉ាស៊ីន ២,០ លីត្រ ប្រភេទ Turbo បានប្ដូរឈ្មោះពី RX 200t មកជា RX 300 វិញ។ នេះមានន័យថាឈ្មោះរថយន្ត មិនអាចកំណត់ជាក់លាក់អំពីម៉ាស៊ីនរថយន្តបានទៀតនោះទេ។ អ្វីដែលអាចទៅរួចនោះគឺ LX600 អាចនឹងជាប្រភេទ Hybrid ឬមានបន្ថែមនូវ Turbocharged ក៏ថាបាន៕

ចុចអាន ៖ ក្រុមហ៊ុនចិនចម្លងម៉ូដរថយន្ត Toyota Land Cruiser

ប្រភព៖ carscoops ប្រែសម្រួល៖ សុខហេង