ដោយសារតែមានកូនតាំងពីអាយុ ១៤ឆ្នាំ Weshley ខំរហូតបានលេងនៅ PL
- 2019-10-18 12:55:21
- ចំនួនមតិ 0 | ចំនួនចែករំលែក 0
ដោយសារតែមានកូនតាំងពីអាយុ ១៤ឆ្នាំ Weshley ខំរហូតបានលេងនៅ PL
ចន្លោះមិនឃើញ
ខ្សែប្រយុទ្ធប្រេស៊ីល Wesley Moraes វ័យ ២២ឆ្នាំបានទម្លាយពីខ្សែជីវិតរបស់ខ្លួនក្នុងកិច្ចសម្ភាសន៍ជាមួយសារព័ត៌មាន Sky Sports។
ត្រឹមតែអាយុ ៩ឆ្នាំ ឪពុកបានចែកឋាន ដែលធ្វើឲ្យបន្ទុកធ្លាក់ទៅលើម្ដាយរបស់លោក។ Wesley ដើមឡើយលេងក្នុងបាល់ហ្វូតសាល មុននឹងចូលលេងក្នុងថ្នាលបាល់ទាត់ ដែលស្ថិតនៅស្រុកកំណើត។ នៅអាយុ ១៤ឆ្នាំ លោកក៏មានកូនដំបូង ហើយអាយុ ១៦ឆ្នាំ ក៏មានកូនម្នាក់ទៀត។
លោកប្រាប់ថា ជីវិតពិតជាលំបាកណាស់ ដែលត្រូវធ្វើជាឪពុកគេផង ហើយធ្វើជាកីឡាករផង។ កំឡុងអាយុ ១៧ឆ្នាំ លោកមានឱកាសហ្វឹកហាត់ក្នុងថ្នាលរបស់ Atletico Madrid។ នៅទីនោះលោកធ្លាប់ហាត់ជាមួយ Diego Costa ទៀតផង។ ប៉ុន្តែលោកមិនជោគជ័យទេ ដោយត្រូវទៅលេងនៅក្លឹបលីគ ២ ក្នុងប្រទេសបារាំង។
ក្នុងប្រទេសបារាំង លោកក៏មិនសូវកាក់កបទៀត ហើយក៏សម្រេចចិត្តស្វែងរកក្លឹបលេង តែត្រូវបានគេបដិសេធគ្រប់គ្នា ពេលនោះលោកក៏ត្រលប់មកប្រេស៊ីលវិញ។ ដើម្បីតែកូន ម្ដាយ និងបងប្អូន លោកសុខចិត្តធ្វើការរោងចក្រពេលថ្ងៃ ហើយហាត់បាល់ពេលល្ងាច។
ក្នុងឆ្នាំ២០១៥ លោកមានឱកាសទៅលេងនៅស្លូវ៉ាគី។ លោកខំប្រឹងតស៊ូរហូតទទួលបានកុងត្រាជាកីឡាករអាជីព។ លេងបាន ១៨ប្រកួត លោកបានផ្ទេរទៅលេងនៅ Club Brugge ដែលជាក្លឹបល្បីនៅបែលហ្សិក។ រកបាន ៣២គ្រាប់ក្នុងរយៈពេលជាង ៣ឆ្នាំ លោកក៏បាន Aston Villa ទាក់ទងមកលេងនៅឆ្នាំ២០១៩។
លោក Weshley លេងបាន ៨ប្រកួតនៅ Premier League ហើយរកបាន ៤គ្រាប់៕