អតីតគ្រូ Honda ហាមកីឡាករថៃ ប្រើទូរសព្ទម៉ោងបាយ
- 2019-11-14 03:05:33
- ចំនួនមតិ 0 | ចំនួនចែករំលែក 0
អតីតគ្រូ Honda ហាមកីឡាករថៃ ប្រើទូរសព្ទម៉ោងបាយ
ចន្លោះមិនឃើញ
ក្រុមបាល់ទាត់ជម្រើសជាតិថៃ នឹងត្រូវប៉ះក្រុមម៉ាឡេស៊ី នៅកីឡដ្ឋាន Bukit Jalil ម៉ោង៧:៤៥នាទីយប់នេះ ដែលជាជំនួបសំខាន់វគ្គជម្រុះពានរង្វាន់ FIFA World Cup 2022 ។
Akira Nishino គ្រូបង្វឹកក្រុមជម្រើសជាតិថៃ និងជាអតីតគ្រូបង្វឹកជម្រើសជាតិជប៉ុនផងនោះ បាននិយាយកាលពីម្សិលមិញនេះថាលោកចង់ឱ្យក្រុមថៃទាំងមូលលេងជាក្រុមនិងយល់ចិត្តគ្នាឱ្យបានល្អបំផុត។ ដូច្នេះហើយ ទើបលោកបានដាក់បម្រាមមិនឱ្យប្រើទូរសព្ទនោះទេ ពេលម៉ោងអាហារជុំគ្នា។ ការធ្វើបែបនេះ គឺលោកចង់ឱ្យកីឡាករថៃ បាននិយាយគ្នាឱ្យបានច្រើនបំផុត ដើម្បីយល់ពីគ្នា ទើបពេលចូលលេងអាចយល់ចិត្តគ្នាខ្លាំង។
លោក Nishino បន្តថាមិនចង់យកវប្បធម៌ជប៉ុនមកដាក់លើថៃនោះទេ ប៉ុន្តែបាល់ទាត់ត្រូវមានវិន័យ ទើបកីឡាករអាចអភិវឌ្ឍខ្លួនបាន។ មួយវិញទៀត លោកចង់បានជ័យជម្នះលើក្រុមម៉ាឡេស៊ីនេះ ដើម្បីទទួលបាន៣ពិន្ទុបន្ថែមទៀត។ រំលឹកថាក្រុមថៃ ប៉ះក្រុមម៉ាឡេស៊ី ៣ដងនៅ Bukit Jalil មិនដែលឈ្នះឡើយ ដោយចាញ់១ប្រកួត និងស្មើ២ប្រកួត៕