ចេញដំណឹង Apple បានបង្ហាញផលិតផលសម្រាប់ជំនួស iPhone ពេលប្រជុំសម្ងាត់ជាមួយបុគ្គលិកខែមុន

2019-11-15 01:56:47
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមការចុះផ្សាយរបស់សារព័ត៌មាន The Information បានឲ្យដឹងថា Apple បានបើកកិច្ចប្រជុំសម្ងាត់មួយជាមួយបុគ្គលិកកាលពីខែតុលា នៅទីស្នាក់ការថ្មីរបស់ខ្លួន ដែលមាននិយាយអំពីផលិតផលថ្មីចំនួនពីរ។

បើតាមអ្នកដែលបានចូលរួមក្នុងកិច្ចប្រជុំ ដែលបានប្រាប់ដំណឹងដល់ The Information បានឲ្យដឹងថា Apple បានរៀបរាប់អំពីផលិតផលថ្មីចំនួនពីរដូចខាងក្រោម ៖

ផលិតផលទីមួយ រំពឹងថានឹងលេចមុខនៅឆ្នាំ ២០២២ ហើយវាមានលក្ខណៈស្រដៀងនឹងកាសពាក់ក្បាល Oculus Quest ដែលមានកម្រិតបង្ហាញរូបភាពខ្ពស់ មានបំពាក់កាមេរ៉ាពីខាងក្រៅ និងអាចធ្វើការវាស់ទីតាំងនៅជុំវិញបាន។

ផលិតផលទីពីររំពឹងថានឹងលេចមុខនៅឆ្នាំ ២០២៣ ដែលមានលក្ខណៈដូចជាវ៉ែនតាការពារកម្ដៅថ្ងៃ មានស៊ុមកម្រាស់ក្រាស់សម្រាប់ដាក់ថ្ម និងអង្គគណនា។ វ៉ែនតាប្រើបច្ចេកវិទ្យា AR នេះអាចប្រើប្រាស់បានពេញមួយថ្ងៃ ហើយវាជាការបោះជំហានកាន់តែជិតគោលដៅរបស់ Apple ដែលមានគោលដៅបញ្ចេញផលិតផលដែលអាចជំនួស iPhone បាន។

គួរដឹងថាកន្លងមកមានការរាយការណ៍ជាច្រើនអំពីគម្រោងការផលិតវ៉ែនតា AR របស់ Apple ដែលចង្អុលបង្ហាញថាវាអាចនឹងបញ្ចេញលឿនបំផុតនៅឆ្នាំ ២០២០។ Apple ត្រូវបានគេដឹងថាបានសិក្សាលើការផលិតផលឧបករណ៍ពាក់ភ្នែកទំនើបបែបនេះ តាំងពីឆ្នាំ ២០១៥ មកម្ល៉េះ។

Magic Leap One

គំនិតនៃការបង្កើតវ៉ែនតា AR គឺស្រួលយល់បំផុត។ ជំនួសឲ្យការសម្លឹងមើលទូរសព្ទ អ្នកអាចមើលឃើញនូវ Interface បានរយៈការបញ្ចាំងរូបភាពចេញពីវ៉ែនតា នៅលើមជ្ឈដ្ឋានខាងក្រៅ។ ផលិតផលប្រភេទនេះក្រុមហ៊ុន Microsoft ធ្លាប់បានបញ្ចេញលើទីផ្សារគឺ HoloLens និង Magic Leap One ប៉ុន្តែមិនទទួលបានជោគជ័យគួរកត់សម្គាល់នោះទេ។

លោក Tim Cook ធ្លាប់បានលើកឡើងម្ដងហើយម្ដងទៀតអំពីសក្ដានុពលរបស់ AR ដែលកាលពីឆ្នាំ ២០១៧ លោកបាននិយាយថា វាអាចផ្លាស់ប្ដូរវិធីដែលយើងប្រើប្រាស់បច្ចេកវិទ្យានាពេលកន្លងមក៕

ចុចអាន ៖ Apple រំពឹងប្រកាស iPad Pro ប្រើកាមេរ៉ាភ្លោះដំបូងបង្អស់នៅឆ្នាំ ២០២០

ប្រភព៖ Businessinsider ប្រែសម្រួល៖ សុខហេង