មិនមែនចិនក៏មិនមែនអាមេរិក ដែលជាប្រទេសពេញនិយម TikTok ជាងគេនោះ
- 2019-11-19 03:03:54
- ចំនួនមតិ 0 | ចំនួនចែករំលែក 0
មិនមែនចិនក៏មិនមែនអាមេរិក ដែលជាប្រទេសពេញនិយម TikTok ជាងគេនោះ
ចន្លោះមិនឃើញ
បណ្ដាញសង្គមវីដេអូ TikTok ទើបតែមានចំនួនទាញយកចំនួន ១,៥ ពាន់លានដងនៅលើ App Store និងនៅលើ Google Play Store។
នៅក្នុងឆ្នាំ ២០១៩ គិតត្រឹមបច្ចុប្បន្ននេះ TikTok មានចំនួនទាញយកសរុប ៦១៤ លានដង កើនឡើង ៦% បើធៀបនឹងពេលដូចគ្នាឆ្នាំមុន។ បច្ចុប្បន្ននេះ (នៅឆ្នាំ ២០១៩) វាគឺជាកម្មវិធី (មិនរាប់បញ្ចូលកម្មវិធីហ្គេម) ដែលមានអ្នកទាញយកច្រើនជាងគេលំដាប់លេខ ៣ នៅពីក្រោយ WhatsApp លេខ ១ ជាមួយចំនួន ៧០៧,៤ លាន និង Messengers ឈរលេខ ២ ជាមួយចំនួន ៦៣៦,២ លានដង។ TikTok ឈរពីលើ Facebook (៥៨៧ លានដង) និងនៅពីលើ Instagram ដែលជាប់លេខ ៥ ជាមួយចំនួនទាញយក ៣៧៦,២ លានដង។
ឥណ្ឌាគឺជាប្រទេសដែលមានអ្នកទាញយក TikTok ច្រើនជាងគេជាមួយចំនួនសរុប ៤៦៦,៨ លាន ស្មើនឹងប្រមាណ ៣១% នៃចំនួនទាញយកសរុប។ ចិននៅលំដាប់លេខ ២ ជាមួយចំនួនទាញយក ១៧៣,២ លានដង ប៉ុន្តែតួលេខនេះមិនបញ្ចូលការដំឡើងនៅលើ Android ដោយប្រើវិធីផ្សេងនោះទេ (បញ្ជាក់ថា Play Store នៅចិនមិនដំណើរការឡើយ)។ សហរដ្ឋអាមេរិកស្ថិតនៅលំដាប់ទី ៣ ជាមួយចំនួនទាញយក ១២៣,៨ លានដង។
ចំណូលសរុបដែល TikTok អាចរកបានមកទល់ពេលនេះនៅជុំវិញពិភពលោក គឺមាន ១៧៥ លានដុល្លារ ដែលភាគច្រើនបានមកពីអ្នកប្រើប្រាស់នៅចិន ដែលពួកគេចំណាយលុយទិញ ៨៤,៥ លានដុល្លារ ទិញរបស់របរមាននៅក្នុងកម្មវិធីនេះ។ អ្នកប្រើនៅសហរដ្ឋអាមេរិកចំណាយ ៦២,៤ លានដុល្លារ ឈរនៅលំដាប់ទី ២ និងអ្នកប្រើនៅអង់គ្លេសចំណាយ ៦,៩ លានដុល្លារ ឈរលំដាប់លេខ ៣៕
ចុចអាន ៖ គណនី YouTube មានចំនួន Subscriber លេខ ១ឡើងដល់ប៉ុន្មានហើយពេលនេះ?