Nova 6 បង្កប់របស់ពិសេសៗទាំងនេះ ក្រៅពីកាមេរ៉ាជាប់លេខ១ (វីដេអូ)

2019-12-06 03:01:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនថ្មីរបស់ក្រុមហ៊ុន Huawei ម៉ូឌែល Nova 6 (5G) ទើបនឹងប្រកាសចេញមិនបាន ១ ថ្ងៃផងបានហក់ឡើងមកឈរលេខ ១ ជាប់ជាស្មាតហ្វូនដែលមានសមត្ថភាពខ្លាំងលើកាមេរ៉ាទទួលបានពិន្ទុ ១០០ លើ DxOMarkផ្នែកកាមេរ៉ាមុខអាចថត Selfie ល្អដាច់គេ។ ក្រោយពីបំពេញគ្រប់លក្ខខណ្ឌរបស់ DXOMark បែបនេះថា តើ Nova 6 Series បង្កប់សមត្ថភាពអ្វីទៀត?

ស្មាតហ្វូន Nova 6 និង Nova 6 (5G) ពណ៌ចម្រុះ

**១) ការរចនារួបរាង៖** ស្មាតហ្វូន Nova 6 និង Nova 6 (5G) មានរាងដូចគ្នាបេះបិទទាំងទំហំអេក្រង់ផងដែរ(៦,៥៧ អ៊ីញ) ជាមួយនឹងកម្រិតបង្ហាញ FullHD+ (២៤០០ x ១០៨០ ភិចសែល)។ ចំណែក ទីតាំងផ្នែកខាងមុខ(កាមេរ៉ាមុខបង្កប់ក្នុងអេក្រង់) មានសណ្ឋានស្រដៀង S10 និង S10+ របស់ Samsung ដូច្នេះដែរ។ វាមានបង្កប់ដោយកាមេរ៉ាសេនស័រភ្លោះគឺ ៣២+៨ មេហ្គាភិចសែលក៏ដូចគ្នាតែម៉ូឌែល (5G) ខ្លាំងជាងបន្តិចត្រង់ដាក់ឡេន (Sony IMX616 f/2.2 AF + 8MP ultra-wide)។

បើតាមប្រភពវាយតម្លៃរបស់ DxOMark បានឲ្យដឹងថាកម្រិត Exposure នៃរូបភាពគឺផលិតបានល្អខ្លាំងនៅផ្នែកកាមេរ៉ាខាងមុខ មិនថាតែស្ថិតក្នុងស្ថានភាពពន្លឺបែបណាក៏ដោយ។ ចំណុចនេះគួរតែអរគុណដល់ដំណើរការនៃប្រព័ន្ធ HDR Processing បន្សំនឹងប្រព័ន្ធ PDFA អនុញ្ញាតឲ្យការ Focus ទៅលើរូបបានជាក់លាក់ល្អ ត្បិតនៅចម្ងាយ ២-៣ ម៉ែត្រ (អំឡុងពេលប្រើដង Selfie) ពីដៃក៏ដោយ។

Nova 6 និង Nova 6 (5G)

២) ប្រព័ន្ធដំណើការ និងបច្ចេកវិទ្យា៖ ស្មាតហ្វូនទាំងពីរបំពាក់ដោយ Andriod 10 មកជាមួយនឹងស្បែក EMUI 10 របស់ Huawei។ Nova 6 ដាក់បន្ទះឈីប Kirin 990 ឯ RAM ៨GB មេម៉ូរី ១២៨GB ញាត់ថ្មទំហំ ៤១០០ មីលីអំពែម៉ោង។ ចំណែក Nova 6(5G) ដាក់បន្ទះឈីប Kirin 990(ម៉ូឌីម 5G-Balong 5000 ) ឯ RAM ៨GB មេម៉ូរី ១២៨GB ញាត់ថ្មទំហំ ៤២០០ មីលីអំពែម៉ោង។ លើសពីនេះទៀតទាំង Nova 6 និង Nova 6 មានរន្ធសាកភ្លើង USB Type-C សាកលឿនព្រមនឹងឆ្នាំងសាកបញ្ជូន ៤០ វ៉ាត់( Huawei SuperCharge)។

Nova 6 (5G)

៣) តម្លៃ៖ ស្មាតហ្វូនទាំង ២ នឹងមានលក់នៅទីផ្សារប្រទេសចិនចាប់ពីថ្ងៃទី ១២ ធ្នូ២០១៩ ក្នុងតម្លៃ (RAM ៨GB មេម៉ូរី ១២៨GB=៣១៩៩ យ័ន្តប្រមាណជា ៥៤៥ ដុល្លារសម្រាប់ Nova 6។

ចំណែក (RAM ៨GB មេម៉ូរី ១២៨GB = ៣៧៩៩ យ័ន្តប្រមាណជា ៥៣៩ ដុល្លារ សម្រាប់ Nova 6(5G) និងមួយទៀត RAM ៨GB មេម៉ូរី ២៥៦GB = ៤១៩៩ យ័ន្តប្រមាណជា ៥៩៦ ដុល្លារ (5G)៕

វីដេអូបើកប្រអប់ Nova 6៖