ចម្លែកបំផុត! បាត់ដានយន្ដហោះយោធាឈីលីមួយគ្រឿង ផ្ទុកអ្នកដំណើរជាង ៣០នាក់

2019-12-11 02:17:49
ចំនួនមតិ 0 | ចំនួនចែករំលែក 0

ចន្លោះមិនឃើញ

យន្ដហោះយោធារបស់ប្រទេសឈីលីមួយគ្រឿងដែលផ្ទុកអ្នកដំណើរ ៣៨នាក់ បានបាត់ការទាក់ទងកាលពីយប់ថ្ងៃចន្ទកន្លងទៅ ខណៈពេលដែលធ្វើការហោះហើរទៅកាន់ទ្វីបអង់តាកទិច។

យោងតាមសេចក្ដីថ្លែងការណ៍របស់យោធាអាកាសឈីលីឲ្យដឹងកាលពីថ្ងៃអង្គារថា "យន្ដហោះនេះ ត្រូវបានគេប៉ាន់ស្មានថាបានធ្លាក់ ដោយសារអស់សាំង។” យន្ដហោះប្រទេស C-130 Hercules បានហោះហើរចេញពីទីក្រុង Santiago ហើយឈប់សម្រាកនៅទីក្រុង Punta Arenas។ ក្រោយមកក៏បន្ដដំណើរទៅកាន់មូលដ្ឋានទ័ពនៅអង់តាកទិច មុនពេលដែលបាត់ការទាក់ទងអំឡុងម៉ោង ៦ល្ងាច។ នៅក្នុងយន្ដហោះ មានផ្ទុកបុគ្គលិក ១៧នាក់ និងអ្នកដំណើរ ២១នាក់ផ្សេងទៀត ដែលធ្វើដំណើរទៅជួសជុលបំពង់បង្ហូរប្រេងបណ្ដែតទឹកសម្រាប់ផ្គត់ផ្គង់ដល់មូលដ្ឋាន។

ក្រោយការបាត់ដានយន្ដហោះនេះ ខាងយោធាអាកាស បានធ្វើការប្រកាសអាសន្ននិងសុំជំនួយដើម្បីស្វែងរក និងជួយសង្គ្រោះបន្ដទៀត ខណៈដែលប្រធានាធិបតីឈីលី កំពុងតាមដានយ៉ាងយកចិត្តទុកដាក់៕