ពានរង្វាន់ «មិត្តភាពយុវជនអន្តរក្រសួង ស្ថាប័ន» លើកទី៧ចាប់ផ្ដើមប្រកួតផ្លូវការម្សិលមិញ

2019-12-15 06:43:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់បាល់ទាត់ «មិត្តភាពយុវជនអន្តរក្រសួង ស្ថាប័ន» លើកទី៧ ដែលរៀបចំឡើងដោយ សហភាពសហព័ន្ធយុវជនកម្ពុជា បានធ្វើពិធីបើកប្រកួតជាផ្លូវការហើយម្សិលមិញនេះនៅតារាងបាល់ទាត់ Premium Sport Club។

ពានរង្វាន់សម្រាប់ក្រុមលេខ១

ឯកឧត្ដម ស សុខា អនុប្រធានសហភាពសហព័ន្ធយុវជនកម្ពុជា ថ្លែងអំណរគុណដល់សហព័ន្ធបាល់ទាត់កម្ពុជា ថ្នាក់ដឹកនាំតាមក្រសួង ស្ថាប័នក្រុមហ៊ុនឯកជន និងដៃគូសហការទាំងអស់ដែលមិនអាចកាត់ថ្លៃបាន ដែលបានជួយគាំទ្រខាងបច្ចេកទេស សម្ភារ ថវិកា មកដល់កម្មវិធីបាល់ទាត់មួយនេះឲ្យបានដំណើរការប្រកួតរហូតលើកទី៧នេះ។

ទិដ្ឋភាពម្សិលមិញ

តំណាងឯកឧត្ដម ហ៊ុន ម៉ានី ក្នុងឱកាសនេះក៏បានផ្ដាំផ្ញើដល់គណៈកម្មការរៀបចំការប្រកួត ក្រុមការងារ អាជ្ញាកណ្ដាល និងកីឡាករគ្រប់រូប សូមយកចិត្តទុកដាក់អនុវត្តតាមវិធាន បទបញ្ជាការប្រកួតឲ្យបានល្អ។ ប្រកួតដោយយុត្តិធម៌ តម្លាភាព ស្របតាមគោលការណ៍ Faie Play។ ដោយប្រកាន់ភ្ជាប់នូវស្មារតីប្រកួត «បង្កើនសាមគ្គីភាព មិត្តភាព ពង្រឹង និងពង្រីកកិច្ចសហប្រតិបត្តិការរវាងយុវជននៅតាមបណ្ដាក្រសួង ស្ថាប័នរដ្ឋ ជាពិសេសបំផុសស្មារតីស្រឡាញ់ចូលចិត្ត លេងកីឡាដើម្បីសុខភាព»។

ទិដ្ឋភាពម្សិលមិញ

ពិធីបើកការប្រកួត «មិត្តភាពយុវជនអន្តរក្រសួង ស្ថាប័ន» លើកទី៧នេះធ្វើឡើងនារសៀលម្សិលមិញនៅឯតារាងបាល់ទាត់ Premium Sport Club ក្រោយអធិបតីភាពឯកឧត្ដម ស សុខា អនុប្រធានសហភាពសហព័ន្ធយុវជនកម្ពុជា៕

អត្ថបទ៖ នួន ស៊ីណា