អ្នកវិទ្យាសាស្ត្រសង្ឃឹមថានឹងអាចផលិតថ្នាំការពារមិនឲ្យទទួលទានអាហារលើសកម្រិត

2019-12-16 09:04:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសិក្សាថ្មីមួយបង្ហាញថា ថ្នាំការពារមិនឲ្យទទួលទានអាហារលើសកម្រិតអាចនឹងត្រូវបានផលិតនាថ្ងៃអនាគត ក្រោយពេលដែលអ្នកវិទ្យាសាស្ត្រវិធីគ្រប់គ្រងចំណង់ទទួលទានអាហារ។

យោងតាមអ្នកស្រាវជ្រាវមកពីសកលវិទ្យាល័យ Georgia ឲ្យដឹងថា ពួកគេបានរកឃើញប្រព័ន្ធប្រសាទជាក់លាក់មួយក្នុងខួរក្បាលដែលជម្រុញឲ្យមនុស្សចង់ញ៉ាំអាហារបន្ថែម។ នៅក្នុងការធ្វើពិសោធន៍លើសត្វកណ្ដុរ បង្ហាញថានៅពេលដែលពួកវាឃើញអាហារ ប្រព័ន្ធប្រសាទនេះចាប់ផ្ដើមដំណើរជាហេតុធ្វើឲ្យសត្វកណ្ដុររត់ទៅរកចំណី។ ប្រភពដដែលបន្ដថា ការរកឃើញនេះអាចផ្ដល់នូវក្ដីសង្ឃឹមថាថ្ងៃណាមួយ ក្រុមអ្នកវិទ្យាសាស្ត្រនឹងអាចផលិតថ្នាំគ្រាប់ដែលទប់ស្កាត់ប្រព័ន្ធប្រសាទខួរក្បាលខាងលើ ហើយបញ្ឈប់មនុស្សពីចំណង់ឃ្លានអាហារ និងទទួលទានអាហារច្រើនលើសកម្រិត។

យ៉ាងណាមិញ មកទល់ពេលនេះ អ្នកវិទ្យាសាស្ត្រនៅមិនទាន់អាចផលិតថ្នាំទប់ស្កាត់ការចង់ញ៉ាំអាហារនៅឡើយទេ ប៉ុន្តែពួកគេអះអាងថាការរកឃើញនេះជាជោគជ័យដ៏ត្រចះត្រចង់ដែលនឹងជួយដល់ការសិក្សាបន្ដទៀត ហើយពួកគេជឿថាអាចនឹងមានថ្នាំបញ្ឈប់ការញៀនល្បែង ឬថ្នាំញៀនផងដែរ៕