មិនគួរឲ្យជឿ! គ្រាន់តែទទួលទាន ផ្លែក្រូច ឬទឹកក្រូច ជាប្រចាំ នោះអ្នកនឹងជៀសឆ្ងាយពីបញ្ហាសុខភាពទាំងនេះ

  • 2019-12-29 01:52:57
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ភាគច្រើននៃពួកយើងសុទ្ធតែបានដឹងអំពីឃ្លាមួយដែលថា ការទទួលទានប៉ោម ១ ផ្លែ ក្នុងមួយថ្ងៃ ជួយឲ្យយើងជៀសឆ្ងាយពីគ្រូពេទ្យ ឬបញ្ហាសុខភាពផ្សេងៗ។ ប៉ុន្តែទោះជាយ៉ាងណាប៉ោម មិនមែនជាផ្លែឈើតែមួយប្រភេទដែលល្អសម្រាប់សុខភាពរាងកាយឡើយ ក៏ព្រោះផ្លែក្រូច ក៏មានឥទ្ធិពលល្អប្រសើរគួរឲ្យភ្ញាក់ផ្អើលដូចគ្នា។ ក្រូច គឺជាផ្លែឈើសុខភាពល្អ និងផ្ដល់ឲ្យអ្នកនូវអត្ថប្រយោជន៍សុខភាពស្មានមិនដល់នៅពេលទទួលទានជាប្រចាំ។ ផ្លែឈើនេះមានផ្ទុកកាឡូរីទាប ប៉ុន្តែសម្បូរទៅដោយសារធាតុចិញ្ចឹមចាំបាច់រក្សាសុខភាពល្អរឹងមាំ ទប់ស្កាត់ជំងឺផ្សេងៗបានជាច្រើន។ ខាងក្រោម គឺជាអត្ថប្រយោជន៍សំខាន់ៗនៃការទទួលទានផ្លែក្រូច ឬទឹកក្រូច ចំពោះសុខភាព ៖

១. ជំងឺដាច់សសៃឈាមខួរក្បាល ៖ សមាគមន៍បេះដូងអាមេរិកបានផ្តល់អនុសាសន៍ថា អ្នកគួរទទួលទានផ្លែក្រូចឲ្យបានច្រើន ដើម្បីកាត់បន្ថយហានិភ័យនៃជំងឺដាច់សសៃឈាមខួរក្បាលបានដល់ទៅ ១៩ ភាគរយ។

២. សម្ពាធឈាម ៖ តាមរយៈការទទួលទានអាហារមានជាតិសូដ្យូមទាប និងផ្លែក្រូច ឬទឹកក្រូចជាប្រចាំនោះកម្រិតនៃសម្ពាធឈាមរបស់អ្នកនឹងថយចុះគួរឲ្យកត់សម្គាល់ ធ្វើឲ្យអ្នកជៀសឆ្ងាយពីជំងឺសម្ពាធឈាមឡើងខ្ពស់។ ផ្លែក្រូច មានផ្ទុកនូវជាតិប៉ូតាស្យូមដែលមានប្រសិទ្ធិភាពកាត់បន្ថយអាត្រានៃការស្លាប់ដោយសារបញ្ហាសុខភាពផ្សេងៗបានដល់ទៅ ២០ ភាគរយ។

៣. ជំងឺមហារីក ៖ ផ្លែក្រូច និងទឹកក្រូច អាចកាត់បន្ថយហានិភ័យនៃការវិវត្តន៍ជំងឺមហារីកគ្រាប់ឈាមចំពោះកុមារ ជាពិសេសប្រសិនបើពួកគេបានទទួលទានចាប់ពីវ័យ ២ឆ្នាំឡើង។ ក្រូចមានផ្ទុកនូវវីតាមីន C ដែលជាសារធាតុប្រឆាំងអុកសស៊ីតកម្មមួយមានប្រសិទ្ធិភាពកម្ចាត់រ៉ាឌីកាល់សេរីដែលបង្កជំងឺមហារីក។ ផ្លែក្រូច ក៏មានផ្ទុកជាតិសសៃ ហើយការទទួលទានអាហារមានជាតិសសៃខ្ពស់ជាប្រចាំអាចជួយកាត់បន្ថយហានិភ័យនៃជំងឺមហារីកចុងពោះវៀនធំ។

៤. សុខភាពបេះដូង ៖ សុខភាពបេះដូងល្អ គឺសំខាន់ណាស់សម្រាប់មនុស្សគ្រប់រូប។ ក្រូចមានប្រសិទ្ធិភាពរក្សាសុខភាពបេះដូងបានតាមរយៈសារធាតុចិញ្ចឹមជាច្រើនដែលវាមានផ្ទុក រួមបញ្ចូួលទាំងវីតាមីន C, ជាតិសសៃ និងប៉ូតាស្យូម។

៥. ជំងឺទឹកនោមផ្អែម ៖ ផ្លែក្រូច អាចជួយកម្ចាត់ជំងឺទឹកនោមផ្អែម ជាពិសេសជំងឺទឹកនោមផ្អែមប្រភេទទី ១ ក៏ព្រោះបរិមាណនៃជាតិសសៃដែលវាមានផ្ទុក។ ការទទួលទានអាហារផ្លែឈើដែលសម្បូរទៅដោយជាតិសសៃជាប្រចាំ គឺអាចជួយកាត់បន្ថយកម្រិតនៃជាតិស្ករក្នុងឈាមប្រកបដោយប្រសិទ្ធិភាព។ ក្រូច ក៏មានប្រយោជន៍ និងជាជម្រើសនៃផ្លែឈើដ៏ល្អសម្រាប់អ្នកកើតជំងឺទឹកនោមផ្អែមប្រភេទទី ២ ផងដែរ តាមរយៈជាតិសសៃដែលវាមានផ្ទុកជួយរក្សាភាពប្រក្រតីនៃកម្រិតជាតិខ្លាញ់, អាំងស៊ុយលីន និងជាតិស្ករក្នុងឈាម។

៦. សុខភាពស្បែក ៖ ផ្លែក្រូច មានផ្ទុកនូវវីតាមីន C កម្រិតខ្ពស់ដែលជាសារធាតុប្រឆាំងអុកស៊ីតកម្មមួយជួយការពារប្រឆាំងការបំផ្លាញស្បែក ដោយសារជាតិពុល និងពន្លឺព្រះអាទិត្យ។ វីតាមីន C ក៏ជួយកាត់បន្ថយការលេចឡើងនូវស្នាមជ្រីវជ្រួញលើផ្ទៃមុខ និងបន្តឹងស្បែកផងដែរ។ វីតាមីននេះ គឺចាំបាច់ណាស់ក្នុងការបង្កើតកូឡាជែនដែលជាប្រូតេអ៊ីនមួយក្នុងរាងកាយទទួលខុសត្រូវទប់ស្កាត់បញ្ហាចាស់តាមវ័យនៃស្បែក៕

ប្រភព ៖ health.com.kh