Hacker ជើងចាស់ថា FBI អាចដោះកូដ iPhone របស់ឧក្រិដ្ឋជនបាន ដោយមិនបាច់ពឹង Apple
- 2020-01-15 06:48:43
- ចំនួនមតិ 0 | ចំនួនចែករំលែក 0
Hacker ជើងចាស់ថា FBI អាចដោះកូដ iPhone របស់ឧក្រិដ្ឋជនបាន ដោយមិនបាច់ពឹង Apple
ចន្លោះមិនឃើញ
FBI កំពុងដាក់សម្ពាធ Apple ឲ្យជួយបំបែកកូដលើ iPhone របស់ឧក្រិដ្ឋជននៃហេតុការណ៍បាញ់បោះម្នាក់ ប៉ុន្តែរដ្ឋាភិបាលអាច Hack ចូល iPhone បានដោយមិនចាំបាច់ឲ្យក្រុមហ៊ុន Apple ជួយ។ នេះបើតាមអ្នកជំនាញក្នុងផ្នែកសុវត្ថិភាពអ៊ីនធឺណិត។
ភ្នាក់ងារស៊ើបអង្កេតអាចវាយទម្លុះជញ្ជាំងសុវត្ថិភាព iPhone បាន ដោយប្រើប្រាស់ឧបករណ៍របស់ក្រុមហ៊ុនដូចជា Cellebrite និង Grayshift។ គួរដឹងថា iPhone របស់ឧក្រិដ្ឋជនឈ្មោះ Mohammed Saeed Alshamrani គឺមាន iPhone 5 និង iPhone 7 ដែលចេញឆ្នាំ ២០១២ និង ២០១៦។ Alshamrani បានស្លាប់ ហើយទូរសព្ទនៅជាប់កូដ ទើបបានជា FBI រិះរកវិធីចូលក្នុងទូរសព្ទទាំងពីរដើម្បីស៊ើបអង្កេតឲ្យស៊ីជម្រៅ។
លោក Will Strafach ជាអ្នក Hack iPhone ជើងចាស់មួយរូប ហើយបច្ចុប្បន្នគ្រប់គ្រងក្រុមហ៊ុនសុវត្ថិភាព Guardian Firewall នោះ បានលើកឡើងដូចនេះថា ៖ "iPhone 5 និង iPhone 7? អ្នកពិតជាអាចចូលក្នុងវាបាន។ ខ្ញុំមិនថាវាស្រួលដូចបកចេកនោះទេ ប៉ុន្តែវាមិនពិបាកខ្លាំងនោះទេ។”
ដោយឡែកលោក Niel Broom ដែលធ្វើការជាមួយភ្នាក់ងារអនុវត្តន៍ច្បាប់ដើម្បីដោះកូដឧបករណ៍នោះ បានលើកឡើងដែរថា ប្រព័ន្ធប្រតិបត្តិការដែលដំណើរការលើ iPhone 5 និង iPhone 7 អាចធ្វើឲ្យវាកាន់តែពិបាកវាយលុកចូល ប៉ុន្តែវានៅតែអាចធ្វើទៅបាន។
លោកបាននិយាយថា FBI ទំនងជាត្រូវការឧបករណ៍មួយចំនួនសម្រាប់ដោះកូដ iPhone ក្នុងនោះមាន UFED Physical Analyser, Tablet ឈ្មោះ Touch2 និងកម្មវិធីកុំព្យូទ័រ 4PC របស់ក្រុមហ៊ុនអ៊ីស្រាអែល Cellebrite ដែលមានតម្លៃសរុប ១៥ ០០០ ដុល្លារ។ ឧបករណ៍ ២ ទៀតគឺ GrayKey របស់ Grayshift ឬឧបករណ៍ Cellebrite Premium ដែលវាមានតម្លៃចន្លោះពី ១០ ម៉ឺនដុល្លារ ទៅ ១៥ ម៉ឺនដុល្លារ៕
ចុចអាន ៖ Apple ប្រកែកមិនព្រមជួយ FBI ពេលនេះលោក ត្រាំ ចេញមុខស្នើសុំដោយផ្ទាល់