ថ្ងៃទី២ Tiger Street Football 2020 នៅសៀមរាប អ្នកគាំទ្រចាប់អារម្មណ៍ខ្លាំង
- 2020-01-18 11:51:41
- ចំនួនមតិ 0 | ចំនួនចែករំលែក 0
ថ្ងៃទី២ Tiger Street Football 2020 នៅសៀមរាប អ្នកគាំទ្រចាប់អារម្មណ៍ខ្លាំង
ចន្លោះមិនឃើញ
ការប្រកួត Tiger Street Football 2020 នៅមណ្ឌលសៀមរាប បានបញ្ចប់ថ្ងៃទី២របស់ខ្លួនហើយ ដោយប្រកួតបាន៨៧ប្រកួត និងជម្រុះក្រុមចេញជាច្រើន ដើម្បីត្រៀមផ្ដាច់ព្រ័ត្រនៅថ្ងៃស្អែក។
សម្រាប់ថ្ងៃទី២នេះដែរ ឃើញថាអ្នកគាំទ្រកាន់តែជក់ចិត្តជាថ្ងៃបើកឆាកទៅទៀត។ ក្រុមខ្លាំងៗចាប់ផ្ដើមប៉ះគ្នា ដែលធ្វើឱ្យអ្នកចូលរួមទស្សនាមិនអាចទប់អារម្មណ៍ថាមិនហោឱ្យបាននោះទេ។ មិនថាតែអ្នកគាំទ្រកម្ពុជា សូម្បីតែបរទេសក៏មានចូលរួមទស្សនាការប្រកួតដ៏ជក់ចិត្តនេះផងដែរ ព្រោះថាព្រឹត្តិការណ៍ Tiger Street នេះ ល្បីខ្លាំងមែនទែន។
អ្នកគាំទ្រម្នាក់ បានប្រាប់ឱ្យក្រុមការងារ Sabay ដឹងថាលោកតែងតែមកគាំទ្រនិងទស្សនាការប្រកួតជារៀងរាល់ឆ្នាំ។ មូលហេតុដែលលោកចូលចិត្តមើល ព្រោះការប្រកួតនេះ មានក្រុមចូលរួមច្រើន ហើយក៏មានមកពីបណ្ដាខេត្តផ្សេងៗជាប់ខេត្តសៀមរាបផងដែរ។ ដូច្នេះការប្រកួតរបស់ពួកគេ គឺលេងដោយអស់ពីសមត្ថភាព មិនមានលាក់លៀមទុកជើងអ្វីឡើយ។
មណ្ឌលដែលពោរពេញដោយការគាំទ្រនេះដែរ នឹងយកក្រុមរហូតដល់១២ក្រុមឡើងទៅវគ្គផ្ដាច់ព្រ័ត្រនៅរាជធានីភ្នំពេញ។ ដោយក្រុមលេខ១ ទទួលបានប្រាក់រង្វាន់ ១ ៥០០ដុល្លារ ក្រុមលេខ២ បាន១ ០០០ដុល្លារ ក្រុមលេខ៣ បាន៥០០ដុល្លារ និងក្រុមលេខ៤ បាន២០០ដុល្លារ។
ការប្រកួតនៅមណ្ឌលបន្ទាប់ទៀតគឺមណ្ឌលប៉ោយប៉ែត ឈប់ទទួលពាក្យ ថ្ងៃទី២២ ខែមករា ឆ្នាំ២០២០ និងចាប់ផ្ដើមការប្រកួតនៅថ្ងៃ ២៥,២៦ ខែមករា ឆ្នាំ២០២០។ ដោយឡែកការប្រកួតវគ្គផ្ដាច់ព្រ័ត្រ ប្រាក់រង្វាន់សរុប៥ម៉ឺនដុល្លារ ធ្វើនៅកោះពេជ្រ នៅថ្ងៃទី ២៩ កុម្ភៈ ដល់១មីនាឆ្នាំ២០២០៕