Xiaomi នឹងបញ្ចេញទូរសព្ទកាមេរ៉ា ១០៨MP ចំថ្ងៃ Galaxy S20 ប្រកាសចេញ

2020-01-20 08:21:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Xiaomi នឹងប្រកាសចេញស្មាតហ្វូន Mi 10 នាថ្ងៃទី ១១ ខែកុម្ភៈខាងមុខ ដែលវានឹងជាស្មាតហ្វូនដំបូងមានប្រើប្រាស់ឈីប Snapdragon 865 ដែលជាឈីបជំនាន់ចុងក្រោយបង្អស់របស់ Qualcomm។

រូបភាពលេចធ្លាយបង្ហាញពីរូបរាង Mi 10

អ្នកចែករំលែកព័ត៌មានលេចធ្លាយមកពីប្រទេសចិន បានបង្ហាញថា Mi 10 នេះនឹងមានបំពាក់កាមេរ៉ាមេទំហំ ១០៨ MP ដូចគ្នានឹង Mi Note 10 ដែរ។ ដូចនេះវានឹងជាស្មាតហ្វូនដំបូងដែលប្រើ Sensor កាមេរ៉ាចុងក្រោយរបស់ Samsung ផង និងប្រើឈីបស៊េរីចុងក្រោយរបស់ Qualcomm ផង។

Mi 10 រំពឹងថាមានកាមេរ៉ាចំនួន ៤ គ្រាប់នៅខាងក្រោយ និងមានការឌីហ្សាញស្រដៀងនឹង Mi 9 ដោយកាមេរ៉ារៀបជាតួបញ្ឈរនៅផ្នែកខាងឆ្វេង, មិនមានទ្រនាប់ស្កេនម្រាមដៃនៅខាងក្រោយ, អេក្រង់ទំនងជាប្រភេទ LED និងមានចោះរន្ធអេក្រង់សម្រាប់កាមេរ៉ា Selfie។

ចចាមអារ៉ាមផ្សេងទៀតបានលើកឡើងអំពីបច្ចេកវិទ្យាសាកថ្មលឿនកម្លាំង ៦៦ វ៉ាត់ សម្រាប់ប្រភេទ Pro ដែលមានន័យថាអាចសាកបានពេញក្នុងពេល ៣៥ នាទី។ Mi 10 Pro នេះដែរប្រហែលជាមានថ្មទំហំ ៤៨០០ mAh។ ប៉ុន្តែយ៉ាងណានៅរង់ចាំការបញ្ជាក់ពី Xiaomi ទាំងអស់គ្នា៕

ប្រភព៖ GSMarena ប្រែសម្រួល៖ សុខហេង