Chelsea កំពុងតែពិភាក្សានាំចូលកីឡាករល្បីឈ្មោះមានបទពិសោធន៍មួយរូប
- 2020-01-21 13:08:01
- ចំនួនមតិ 0 | ចំនួនចែករំលែក 0
Chelsea កំពុងតែពិភាក្សានាំចូលកីឡាករល្បីឈ្មោះមានបទពិសោធន៍មួយរូប
ចន្លោះមិនឃើញ
ក្លឹប Chelsea បានធ្វើការពិភាក្សាជាមួយក្លឹប Paris Saint-Germain កាលពីពេលថ្មីៗ ដើម្បីទាក់ទងយកខ្សែប្រយុទ្ធអ៊ុយរុយហ្គាយ Edison Cavani មកចូលរួមជាមួយ នេះបើតាមការចុះផ្សាយដោយសារព័ត៌មាន Goal។
សារព័ត៌មានកីឡាបាល់ទាត់មួយនេះបានទម្លាយឲ្យដឹងថា គ្រូបង្ហាត់បច្ចេកទេសរបស់ក្លឹបបានធ្វើដំណើរទៅកាន់ប៉ារីស ដើម្បីនាំចូលកីឡាករវ័យ ១៧ឆ្នាំមួយរូប ហើយក៏ឆ្លៀតនិយាយពីរឿង Cavani ផងដែរ ប៉ុន្តែមិនទាន់បានដាក់សំណើផ្លូវការណាមួយនៅឡើយទេ។
ចំណែកឯលោក Frank Lampard គ្រូបង្គោលរបស់ក្លឹបវិញ បានពោលសរសើរពីកីឡាកររូបនេះ ហើយលោកក៏បានលើកឡើងថា ក្រុមកីឡាករក្មេងៗរបស់លោកអាចនឹងល្អជាងនេះ បើមានការដឹកនាំពីកីឡាករមានបទពិសោធន៍ដូច Cavani ប៉ុន្តែចំពោះរឿងផ្ទេរចូលវិញ លោកមិនផ្ដល់ចម្លើយច្បាស់ការទេ។
Cavani កាលពីពេលថ្មីៗនេះ មានបំណងចាកចេញពីក្លឹប នេះបើតាមការប្រាប់ពីលោកនាយកផ្នែកកីឡាកររបស់ PSG៕