Ferdinand បន្ទោស Maguire លេងឲ្យល្អសមជាប្រធានក្រុមតិចផង
- 2020-01-23 03:04:40
- ចំនួនមតិ 0 | ចំនួនចែករំលែក 0
Ferdinand បន្ទោស Maguire លេងឲ្យល្អសមជាប្រធានក្រុមតិចផង
ចន្លោះមិនឃើញ
Rio Ferdinand បានធ្វើការបន្ទោសលើខ្សែការពារ Harry Maguire របស់ Manchester United ដែលមិនអាចការពារគ្រប់ដំបូងរបស់ Burnley បាននៅកីឡដ្ឋាន Old Trafford។
Burnley បានបង្កើតការភ្ញាក់ផ្អើលយកឈ្នះ Man Utd ២-០ កាលពីយប់មិញ ដែលជាការទាត់បញ្ចូលទីរបស់កីឡាករ Chris Wood និង Jay Rodriguez។ នេះគឺជាបរាជ័យ២ប្រកួតជាប់គ្នារបស់ក្រុមលោក Ole Gunnar Solskjær ដោយកាលពីចុងសប្ដាហ៍ទើបតែចាញ់ Liverpool ២-០។
ទម្រង់លេងរបស់ United បានធ្វើឲ្យអ្នកគាំទ្ររាប់ពាន់អ្នកដើរចេញពីទីលានមុនការប្រកួតចប់ និងមានសំឡេង Boo ជាច្រើននៅ Old Trafford។ ក្រោយចប់ការប្រកួតអ្នកវិភាគកីឡាករលោក Ferdinand រិះគន់ទៅលើប្រធានក្រុមថ្មី Maguire ដែលបណ្ដោយឲ្យ Chris Wood អាចមានឱកាសទាត់ចូលគ្រាប់ទីមួយ។
Ferdinand បាននិយាយថា Maguire គួរតែបង្ហាញទម្រង់លេងល្អឲ្យសមជាប្រធានក្រុមបន្តិចទៅ។ បាល់នោះគេអាចរារាំង Chris Wood បាន តែបែរជាខកខាន។ បច្ចុប្បន្ន Man Utd កំពុងឈរលេខ៥នៅតារាងពិន្ទុ Premier League៕