រឿងរ៉ាវមួយចំនួនដែលអ្នកមិនធ្លាប់ដឹងពី Petchmorakot ជាមួយ Saenchai
- 2020-02-11 08:37:52
- ចំនួនមតិ 0 | ចំនួនចែករំលែក 0
រឿងរ៉ាវមួយចំនួនដែលអ្នកមិនធ្លាប់ដឹងពី Petchmorakot ជាមួយ Saenchai
ចន្លោះមិនឃើញ
កីឡាករជើងចាស់របស់ថៃ Saenchai ធ្វើបានកំណត់ត្រាមួយយ៉ាងអស្ចារ្យ ពោល៥៣ប្រកួតចុងក្រោយមិនទាន់ស្គាល់ពាក្យចាញ់នោះទេ។ ប៉ុន្តែរឿងមួយដែលអ្នកមិនធ្លាប់ដឹងនោះគឺ Petchmorakot គឺជាកីឡាករចុងក្រោយបង្អោះដែលបានយកឈ្នះ Saenchai។
ជំនួបរវាងអ្នកទាំងពីរត្រូវបានរៀបចំនៅកីឡដ្ឋាន Rajadamnern កាលពីឆ្នាំ២០១៤។ កាលនោះ Petchmorakott ទើបតែមានអាយុ២០ឆ្នាំ ឯ Saenchai វ័យ៣៣ឆ្នាំ។ គ្រានោះ Saenchai ត្រូវបានគេទទួលស្គាល់ថាជា Legend មួយរូបទៅហើយ ខណៈ Petchmorakot ជាក្មេងកំពុងឡើងខ្លាំង។
ការប្រកួតដោយមើលឃើញពីការវាយប្រយោលមិនអាចឈ្នះ Petchmorakot បានប្រើស្នៀតចូលចាប់វាយជង្គង់ មិនឲ្យSaencha ធ្វើអ្វីចេញ។ ចប់ការប្រកួត៥ទឹក ចៅក្រមបានកាត់សេចក្ដីឲ្យ Petchmorakot ឈ្នះដោយពិន្ទុ។ បន្ទាប់ពីប្រកួតនេះទៅ Saenchai បានបាត់ខ្លួនពីសង្វៀនធំទាំងពីររបស់ថៃគឺ Lumpinee និង Rajadamnern រហូតដល់សព្វថ្ងៃ។
ជាទូទៅគេសង្កេតឃើញថា Saenchai តែលេចមុខក្នុងកម្មវិធីប្រកួត Thai Fight ច្រើនជាងគេ។ សម្រាប់ Petchmorakot ថ្មីៗនេះគេទើបដណ្ដើមបានខ្សែក្រវាត់ ONE Championship កាលពីសប្ដាហ៍មុន ក្រោយយកឈ្នះមិត្តរួមជាតិថៃ Pongsiri៕