បាយ័នបើកសង្វៀនថ្មី១កម្មវិធីទៀតហើយ សម្រាប់បំពេញបំណងអ្នកគាំទ្រប្រដាល់

2020-02-18 02:22:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានីយទូរទស្សន៍បាយ័ន បានបើកសង្វៀនប្រកួតប្រដាល់គុនខ្មែរថ្មី១កម្មវិធីទៀតហើយ «ប្រដាល់អន្តរជាតិ Boostrong» ដែលប្រកួតរៀងរាល់ថ្ងៃអាទិត្យ ចាប់ពីម៉ោង ១២ថ្ងៃត្រង់ រហូតដល់ម៉ោង ២កន្លះ ។

សន្និសីទសារព័ត៌មាន

ទូរទស្សន៍បាយ័ន គិតដល់ពេលនេះគឺមាន៥កម្មវិធីប្រកួតហើយ ទី១ កម្មវិធីប្រដាល់ Kubota ទី២ កម្មវិធីប្រដាល់ POPEMES ទី៣ កម្មវិធីប្រដាល់ WURKZ ទី៤ កម្មវិធីប្រដាល់ CARABAO និងទី៥ កម្មវិធីប្រដាល់ Boostrong ។

បើតាមការឲ្យពីអ្នកអធិប្បាយកម្មវិធីប្រដាល់ខាងលើ បានឲ្យដឹងថា សម្រាប់កម្មវិធីប្រដាល់ថ្មី Boostrong នឹងបំពេញតម្រូវការអ្នកទស្សនាបន្ថែមទៀត ដើម្បីជាការកម្សាន្តសប្បាយចុងសប្ដាហ៍។ កម្មវិធីនឹងរៀបចំឲ្យមានការប្រកួតអន្តរជាតិ និងកម្មវិធីពិសេសៗជាបន្តបន្ទាប់នៅពេលខាងមុខនេះ។

ការប្រកួតថ្ងៃបើកឆាកសង្វៀនថ្មី

សម្រាប់ការប្រកួតថ្ងៃបើកឆាកសង្វៀនដំបូងកាលរសៀលថ្ងៃអាទិត្យ ទី១៦ ខែកុម្ភៈ ឆ្នាំ២០២០ នោះរួមមាន ៤គូ ក្នុងនោះមានមិត្តភាពអន្តរជាតិ២គូផងដែរ។ យ៉ាម ខេមរា ចាញ់ពិន្ទុអ្នកលេងគុនថៃ Kwanjai Site Or ខណៈមិត្តភាព១គូទៀតនោះ ចាន់ ប៊ុនលាភ ឈ្នះកីឡាករទូគី Kerim Morkoc៕

អត្ថបទ៖ នួន ស៊ីណា