ក្រុមហ៊ុនទូរសព្ទជាច្រើននឹងរងទុក្ខទោម្នេញខ្លាំង ខុសគេតែ Samsung ប៉ុណ្ណោះ!
- 2020-02-19 01:58:08
- ចំនួនមតិ 0 | ចំនួនចែករំលែក 0
ក្រុមហ៊ុនទូរសព្ទជាច្រើននឹងរងទុក្ខទោម្នេញខ្លាំង ខុសគេតែ Samsung ប៉ុណ្ណោះ!
ចន្លោះមិនឃើញ
ការវិភាគរបស់ក្រុមហ៊ុនវិភាគទីផ្សារ Trendforce បាននិយាយថាការផ្ទុះនៃវីរុសកូរ៉ូណា អាចធ្វើឲ្យចំនួនលក់ស្មាតហ្វូននៅត្រីមាសនេះ ទំនងជាធ្លាក់ចុះដល់កម្រិតទាបបំផុតក្នុងរយៈពេល ៥ ឆ្នាំមកនេះ។
ក្រុមហ៊ុនខាងលើនិយាយថា ៖ "ការផ្ទុះនៃវីរុស ធ្វើឲ្យមានផលប៉ះពាល់ខ្ពស់លើឧស្សាហកម្មស្មាតហ្វូន ព្រោះសង្វាក់ផលិតកម្មផ្គត់ផ្គង់គឺត្រូវការកម្លាំងពលកម្មច្រើន។ ត្រីមាសទី ១ ឆ្នាំ ២០២០ ផលិតកម្មនៃស្មាតហ្វូន ព្យាករណ៍ថានឹងធ្លាក់ចុះ ១២% ធៀបនឹងឆ្នាំមុន ធ្វើឲ្យត្រីមាសនេះមានទិន្នផលទាបជាងគេបំផុតក្នុងរយៈពេល ៥ ឆ្នាំចុងក្រោយ។"
Trendforce បានសន្និដ្ឋានដែរថាចំនួនលក់ iPhone នឹងធ្លាក់ចុះ ១០% នៅត្រីមាសនេះ ខណៈដែល Samsung នឹងមានការធ្លាក់ចុះតិចតួចត្រឹមប្រមាណ ៣%។
របាយការណ៍ដាច់ដោយឡែកមួយទៀតរបស់ Reuters បាននិយាយដែរថា Samsung ប្រហែលជាស្ថិតនៅដំណាក់កាលមួយដែលទទួលបានផលចំណេញពីការថយចុះចំនួនលក់ iPhone។
Reuters បានសរសេរដូចនេះ ៖ "Samsung Electronics អាចជាអ្នកបានផលចំណេញច្រើនពីបញ្ហាផលិតកម្មក្នុងប្រទេសចិនដែល Apple បានប្រកាសកាលពីថ្ងៃចន្ទ។ ពាក់កណ្ដាលនៃស្មាតហ្វូន Samsung នាពេលនេះគឺផលិតនៅវៀតណាម ដូចនេះបញ្ហាប្រតិបត្តិការដែល Apple និងក្រុមហ៊ុនទូរសព្ទដទៃទៀតជួបប្រទះនៅចិន អាចប៉ះពាល់ដល់ Samsung តិចតួចបំផុត។”
ចំនួនលក់ស្មាតហ្វូនរបស់ Samsung នៅចិន ដែលមានតិចតួចស្រាប់នោះ ក៏មានន័យថាក្រុមហ៊ុននេះនឹងមិនរងការប៉ះពាល់ខ្លាំង ដូចជា Apple និងក្រុមហ៊ុនដទៃទៀតដែលមានចំណែកទីផ្សារធំនៅចិននោះឡើយ។
ដូចនេះខណៈពេលនេះ Samsung អាចមិនមានផលប៉ះពាល់ខ្លាំង ប៉ុន្តែក្រុមហ៊ុននេះនៅពឹងផ្អែកលើគ្រឿងបន្លាស់មួយចំនួនដែលផលិតនៅប្រទេសចិន ដូចនេះផលិតកម្មស្មាតហ្វូនអាចនឹងមានការប៉ះពាល់ខ្លាំងប្រសិនបើការផ្ទុះនៃវីរុសកូរ៉ូណាបន្តអូសបន្លាយរយៈពេលវែង៕